ജീവനക്കാരനെ ആക്രമിച്ച സംഭവം: വ്യാപക പ്രതിഷേധം

കടലുണ്ടി: ഭിന്നശേഷിക്കാരനായ കടലുണ്ടി ഗ്രാമപഞ്ചായത്ത് ജീവനക്കാരൻ ഒ.എം. നാസറിനെ ആക്രമിച്ചതിൽ പ്രതിഷേധിച്ച് ജീവനക്കാർ പ്രതിഷേധ പ്രകടനവും വിശദീകരണ യോഗവും നടത്തി. ഗ്രാമപഞ്ചായത്ത് ഓഫിസിനു മുന്നിൽ നടന്ന ധർണ എൻ.ജി.ഒ അസോസിയേഷൻ ജില്ല പ്രസിഡൻറ് കെ. പ്രദീപൻ ഉദ്​ഘാടനം ചെയ്തു. അക്രമികളെ അറസ്​റ്റ്​ ചെയ്യാത്ത പൊലീസ് നടപടിയിൽ യോഗം പ്രതിഷേധിച്ചു. ജില്ല സെക്രട്ടറി പ്രേംനാഥ് മംഗലശ്ശേരി അധ്യക്ഷത വഹിച്ചു എം.ടി. മധു, ടി. പ്രശാന്ത്, കെ.കെ. പ്രമോദ് കുമാർ, എലിസബത്ത് ടി. ജേക്കബ്, സി. ആശ, വി.പി. ജംഷീർ, കെ.വി. ബാലകൃഷ്ണൻ തുടങ്ങിയവർ സംസാരിച്ചു.