കൊയിലാണ്ടിയിൽ പുതിയ സബ് സ്​റ്റേഷന്​ ഭരണാനുമതി

കൊയിലാണ്ടി: നഗരവാസികളുടെ ദീർഘകാല ആവശ്യം യാഥാർഥ്യത്തോട് അടുക്കുന്നു. വൈദ്യുതി പ്രശ്നത്തിനു പരിഹാരം കാണാൻ സബ് സ്​റ്റേഷൻ വേണമെന്ന ആവശ്യത്തിന് ഒടുവിൽ ഭരണാനുമതിയായി. 11 കെ.വി സബ് സ്​റ്റേഷന്​ വൈദ്യുതി ബോർഡിൽനിന്ന് അന്തിമ ഭരണാനുമതിയായതായി കെ. ദാസൻ എം.എൽ.എ അറിയിച്ചു. സബ് സ്​റ്റേഷനു വേണ്ടിയുള്ള സ്​ഥലം ഏറ്റെടുക്കലിനടക്കം 20.60 കോടിയുടെ അന്തിമ ഭരണാനുമതിയാണ് ബോർഡിൽനിന്നു ലഭിച്ചത്. ഇതിൽ 7. 71 കോടി ഭൂമി ഏറ്റെടുക്കുന്നതിനും സിവിൽ കൺസ്ട്രക്​ഷൻ പ്രവൃത്തികൾക്കുമാണ്. 7.75 കോടി പുതിയ ലൈൻ വലിക്കുന്നതിനും ബാക്കി തുക സബ് സ്​റ്റേഷൻ നിർമാണത്തിനുമാണ് വിനിയോഗിക്കുക. ചുരുങ്ങിയത് 70 സൻെറ്​ ഭൂമിയാണ് സബ് സ്​റ്റേഷൻ നിർമിക്കാനായി വേണ്ടത്. ആവശ്യമായ ഭൂമി കൊല്ലത്ത് കണ്ടെത്തിയുണ്ട്. നഷ്​ടപരിഹാരം നൽകി ഭൂമി ഏറ്റെടുക്കുന്ന നടപടിക്രമങ്ങൾക്കുകൂടി ബോർഡി​‍ൻെറ അനുമതി ലഭിക്കുന്നതോടെ ടെൻഡർ ചെയ്ത് നിർമാണപ്രവർത്തനം ആരംഭിക്കുമെന്ന് എം.എൽ.എ പറഞ്ഞു.