മഴയിൽ കുതിർന്ന മാലിന്യം ദുരിതമാകുന്നു

നന്മണ്ട: മാസങ്ങൾക്ക് മു​േമ്പ നന്മണ്ട 13ലെ റോഡരികിൽ ചാക്കുകളിലായി കൂട്ടിയിട്ട മാലിന്യം ജനത്തിന് ദുരിതമായി മാറുന്നു. മഴ പെയ്തതോടെ മാലിന്യച്ചാക്കിൽനിന്ന്​ വമിക്കുന്ന ദുർഗന്ധം റോഡരികിലെ താമസക്കാർക്ക് മാത്രമല്ല വ്യാപാരികൾക്കും കാൽനടക്കാർക്കും പ്രയാസം ഉണ്ടാക്കുന്നുണ്ട്​. വ്യാപാരികളും വീട്ടുകാരും മൂക്കുപൊത്തി കഴിയേണ്ട അവസ്​ഥയാണ്. പുതിയ ഭരണസമിതി അധികാരമേറ്റാൽ മാലിന്യത്തിന് പരിഹാരം കാണുമെന്ന വ്യാപാരികളുടെ പ്രതീക്ഷയും ഇവിടെ അസ്​ഥാനത്തായിരിക്കുകയാണ്.