മെഡി. പി.ജി വിദ്യാർഥികൾക്ക്​ നിർബന്ധിത സേവനം തടയാനാവില്ലെന്ന്​ ഡിവിഷൻ ബെഞ്ചും

കൊച്ചി: സ്വാശ്രയ മെഡിക്കൽ കോളജിൽ പി.ജി കോഴ്സ് പൂർത്തിയാക്കിയ വിദ്യാർഥികൾ പ്രോസ്പെക്ടസ്, ബോണ്ട് എന്നിവയനുസരിച്ച് ഒരു വർഷത്തെ നിർബന്ധിത സേവനത്തിന്​ തയാറാകണമെന്ന സിംഗിൾ ബെഞ്ച്​ വിധി ​ൈഹകോടതി ഡിവിഷൻ ബെഞ്ച്​ ശരിവെച്ചു. ഒരു വർഷത്തെ സേവനത്തിന്​ തയാറാകാത്തതി​​ൻെറ പേരിൽ സർട്ടിഫിക്കറ്റുകൾ തടഞ്ഞു​െവച്ചു എന്നാരോപിച്ച് കാരക്കോണം ഡോ. സോമർവെൽ മെമ്മോറിയൽ സി.എസ്.ഐ മെഡിക്കൽ കോളജിലെ ഒരു കൂട്ടം പി.ജി വിദ്യാർഥികൾ നൽകിയ ഹരജി തള്ളിയ 2020 നവംബറിലെ സിംഗിൾ ബെഞ്ച്​ ഉത്തരവ്​ ചോദ്യം ചെയ്യുന്ന അപ്പീൽ ഹരജി തള്ളിയാണ്​ ഡിവിഷൻ ബെഞ്ചി​ൻെറ ഉത്തരവ്​. 2017 -18 അധ്യയന വർഷത്തിൽ പി.ജി കോഴ്സിന്​ ചേർന്ന ഹരജിക്കാർ ഒരു വർഷത്തെ നിർബന്ധിത സേവനത്തിന് സമ്മതമാണെന്ന് മാനേജ്മൻെറിന്​ ബോണ്ട് ഒപ്പിട്ടു നൽകിയിരുന്നു. സർക്കാർ ​േക്വാട്ടയിൽ പ്രവേശനം കിട്ടിയവർക്ക് പി.ജി പഠനത്തിന് സൗകര്യം നൽകുന്നതിന്​ പകരമായി പഠിച്ച സ്ഥാപനത്തിൽതന്നെ ഒരു വർഷം സേവനം അനുഷ്ഠിക്കണമെന്ന് ബോണ്ട് ഒപ്പു വെക്കണമെന്ന് പ്രോസ്പെക്ടസിലുണ്ട്. ഇതു സർക്കാർ മെഡിക്കൽ കോളജുകൾക്ക് മാത്രമാണ് ബാധകമെന്ന കാര്യം വിലയിരുത്താതെയാണ്​ സിംഗിൾ ബെഞ്ച്​ ഉത്തര​െവന്നായിരുന്നു അപ്പീലിലെ വാദം. 2019 ഡിസംബർ മുതൽ സ്​റ്റൈപ്പൻഡ്​​ ലഭിക്കുന്നില്ലെന്നും ചൂണ്ടിക്കാട്ടി. കോവിഡ് വ്യാപന സാഹചര്യത്തിൽ ഇവരുടെ സേവനം ആവശ്യമാണെന്നായിരുന്നു കോളജ് അധികൃതരുടെ നിലപാട്​. സ്വാശ്രയ സ്​ഥാപനമായാലും സർക്കാർ മേഖലയിലായാലും മനുഷ്യരെ സേവിക്കാനാണ് നിർബന്ധിക്കുന്ന​തെന്നും ഇത്​ നിയമവിരുദ്ധമാണെന്ന്​ പറയാനാവി​ല്ലെന്നും നിരീക്ഷിച്ച ഡിവിഷൻ ബെഞ്ച്​, സിംഗിൾബെഞ്ചി​ൻെറ ഉത്തരവിൽ അപാകതയില്ലെന്ന്​ വ്യക്​തമാക്കി. ബോണ്ട് നടപ്പാക്കാൻ നിർദേശിക്കുന്നതും സർട്ടിഫിക്കറ്റ് പിടിച്ചു വെക്കുന്നതും ഏതെങ്കിലും നഷ്​ടം നികത്താനല്ല. തൊഴിൽപരമായ വളർച്ചയ്ക്കുള്ള പരിശീലനത്തി​ൻെറ ഭാഗമാണെന്നും ഡിവിഷൻ ബെഞ്ച് അഭിപ്രായപ്പെട്ടു.