കൊടിതോരണങ്ങളിൽ നിറഞ്ഞ്​ കെ.എസ്​.​ആർ.ടി.സി സ്​റ്റാൻഡ്​

കോഴിക്കോട്​: യൂനിവേഴ്​സിറ്റി തെരഞ്ഞെടുപ്പ്​ കാലത്തെ കോളജ്​ കാമ്പസ്​ പോലെ പലനിറങ്ങളിൽ അണിഞ്ഞൊരുങ്ങി കെ.എസ്​.​ആർ.ടി.സി സ്​റ്റാൻഡ്​​. തൊഴിലാളി യൂനിയനുകളുടെ അംഗീകാരം നിശ്ചയിക്കാനുള്ള ഹിത പരിശോധനയുടെ മുന്നോടിയായാണ്​ സ്​റ്റാൻഡ്​​ നിറയെ വിവിധ യൂനിയനുകളുടെ പതാകകളും തോരണങ്ങളുമുയർന്നത്​. മൊത്തം 18 യൂനിയനുകളാണ്​ കെ.എസ്​.ആർ.ടി.സിയിലുള്ളത്​. വാഗ്​ദാനങ്ങളും അവകാശവാദങ്ങളുമായി പരമാവധി വോട്ട്​ നേടി അംഗീകാരം നേടിയെടുക്കുകയാണ്​ യൂനിയനുകളുടെ ലക്ഷ്യം. 2016 േമയ്​ 23നായിരുന്നു കെ.എസ്​.ആർ.ടി.സിയിൽ ഇതിന്​ മുമ്പ്​ ഹിതപരിശോധന. കെ.എസ്​.ആർ.ടി.ഇ.എ (സി.ഐ.ടി.യു), ഐ.എൻ.ടി.യു.സി, ഡ്രൈവേഴ്​സ്​ യൂനിയൻ എന്നിവർ ചേർന്ന ടി.ഡി.എഫ്​ മുന്നണി എന്നിവർക്കായിരുന്നു അംഗീകാരം ലഭിച്ചത്​. 15 ശതമാനത്തിൽ അധികം വോട്ട് കിട്ടിയാലാണ്​ അംഗീകാരമാവുക. കെ.എസ്​.ആർ.ടി.സിയുടെ ഒൗ​േദ്യാഗിക ചർച്ചകൾക്കും മറ്റും അംഗീകാരമുള്ള യൂനിയന്​ മാത്രമേ ക്ഷണം ലഭിക്കാറുള്ളൂ. ഇതു​വഴി പ്രധാന തീരുമാനങ്ങളും മറ്റും നിശ്ചയിക്കുന്നത്​ അംഗീകാരമുള്ള യൂനിയനുകളുടെ നേതൃത്വത്തിലാവുമെന്നതാണ്​ മത്​സരം കടുക്കാൻ കാരണം. നിലവിലുള്ള ഹിതപരിശോധനയുടെ കാലാവധി 2019 േമയിൽ പൂർത്തിയായി. ആറ് മാസം കാലാവധി നീട്ടി നൽകാവുന്നതനുസരിച്ച്​ 2019 നവംബറിൽ കാലാവധി കഴിഞ്ഞു. റഫറണ്ടം നീണ്ടു പോകുന്നതിനെതിരെ ടി.ഡി.എഫ്​ മുന്നണി കോടതിയെ സമീപിച്ചിരുന്നു. എറണാകുളം അസി. ലേബർ ഓഫീസറുകെ നേതൃത്വത്തിലാണ്​ ഹിതപരിശോധന. റഫറണ്ടം ഓഫീസർ കഴിഞ്ഞ മാസം വിളിച്ചുചേർത്ത യോഗ പ്രകാരം ഈ കൊല്ലം നവംബർ 30 നകം ഹിതപരിശോധന നടത്താൻ തീരുമാനിച്ചു. ഇതി​ൻെറയടിസ്​ഥാനത്തിലാണ്​ ഇ​േപ്പാൾ പ്രചാരണങ്ങൾ തകർക്കുന്നത്​. കെ.എസ്​.ആർ.ടി.സിയിൽ 2016ൽ 40,000 ത്തോളം ജീവനക്കാർ ഉണ്ടായിരുന്നത്​ 28,000 മാത്രമായി ചുരുങ്ങിയതായാണ്​ കണക്ക്​. രാഷ്ട്രീയമോ ജോലിയുടെ കാറ്റഗറിയോ നോക്കതെ രൂപവത്​കരിച്ച ഫോറം ഫോർ ജസ്​റ്റിസ്​ (എഫ്​.എഫ്​.ജെ) നേതൃത്വം നൽകുന്ന സ്വതന്ത്ര മുന്നണിയായ ഇൻറിപൻെറ്​ ട്രാൻസ്​പോർട്​ എംപ്ലോയിസ്​ ഫെഡറേഷഡൻ (ഐ.ടി.ഇ.എഫ്​) മത്സര രംഗത്തുണ്ട് എന്നതും ഇത്തവണത്തെ പ്രത്യേകതയാണ്​. പഞ്ചായത്ത്​ തെരഞ്ഞെടു​പ്പിനിടയിൽ ഹിതപരിശോധന സുഗമമായി നടത്താനാവുമോയെന്ന കാര്യവും ചർച്ചയാണ്.