കടലുണ്ടി പബ്ലിക് ലൈബ്രറി ഉദ്ഘാടനം

കടലുണ്ടി: കേരളപ്പിറവി ഉപഹാരമായി കടലുണ്ടി പബ്ലിക് ലൈബ്രറി ഗ്രാമ പഞ്ചായത്ത് പ്രസിഡൻറ്​ സി.കെ.അജയകുമാർ ഉദ്ഘാടനം ചെയ്തു. ലൈബ്രറി പ്രസിഡൻറ്​ അനിൽ മാരാത്ത് അധ്യക്ഷത വഹിച്ചു. ജില്ല ടൂറിസം പ്രമോഷൻ കൗൺസിൽ അംഗം ഒ.ഭക്തവത്സലൻ, മുഖ്യ രക്ഷാധികാരി സലാം വാസ്കോ, ബ്ലോക്ക്​ പഞ്ചായത്ത് സ്ഥിരം സമിതി അധ്യക്ഷൻ ദിനേശ് ബാബു അത്തോളി ഗ്രാമപഞ്ചായത്ത് സ്ഥിരം സമിതി ചെയർമാൻ പിലാക്കാട്ട് ഷൺമുഖൻ, മുരളി മുണ്ടേങ്ങാട്ട്, എം.വി.മുഹമ്മദ് ഷിയാസ്, എം.എം മഠത്തിൽ, സി.വി.ബാവ, ഗിരീഷ്മണ്ണൂർ, ഒ.അക്ഷയ് കുമാർ, മഞ്ജു മേപ്പറത്ത്, ഇസ്ഹാഖ് കടലുണ്ടി, താജുദ്ദീൻ, ഇസ്ഹാഖ്ചാലിയം എന്നിവർ സംസാരിച്ചു. സെക്രട്ടറി യൂനുസ് കടലുണ്ടി സ്വാഗതവും ജോ. സെക്രട്ടറി കൃഷ്ണദാസ് വല്ലാപ്പുന്നി നന്ദിയും പറഞ്ഞു.