സാനിറ്റൈസർ, മാസ്​ക്​ വിതരണം

കോഴിക്കോട്. കോവിഡ് തടയുന്നതി​ൻെറ ഭാഗമായി മിലൻസ് പള്ളിക്കണ്ടി സാമൂഹികസമിതിയുടെ ആഭിമുഖ്യത്തിൽ സാനിറ്റൈസറും മാസ്ക്കും വിതരണം നടത്തി. കോർപറേഷൻ ഹെൽത്ത് ഇൻസ്പെക്ടർ എം.കെ. സുബൈർ ഉദ്​ഘാടനം ചെയ്തു .വാർഡിൽ മികച്ച പ്രവർത്തനം നടത്തിയ ആർ.ആർ.ടി പ്രവർത്തകരായ കെ.പി. അബ്​ദുൽ സലാം, എൻ.വി. സബിലു റഹ്മാൻ എന്നിവരെ അനുമോദിച്ചു. പ്രസിഡൻറ്​ ടി.സി. റഹീം അധ്യക്ഷത വഹിച്ചു. ഡി.സി.സി ഉപാധ്യക്ഷൻ ഇ.വി. ഉസ്മാൻക്കോയ, സക്കരിയ്യ പള്ളിക്കണ്ടി, എൻ.പി സക്കീർ ഉസൈൻ, പി.പി. ഉമ്മർക്കോയ, സാബിറ എന്നിവർ സംസാരിച്ചു. കെ.പി.ഷാഫി സ്വാഗതവും വി. അശ്റഫ് നന്ദിയും പറഞ്ഞു.