ദിവസവേതനക്കാരെ തിരിച്ചെടുക്കണം –മെഡി. കോളജിൽ അനിശ്ചിതകാല സമരം തുടങ്ങി

കോഴിക്കോട്​: മെഡിക്കൽ കോളജിൽ വർഷങ്ങളോളം ജോലി ചെയ്​തിരുന്ന ദിവസവേതനക്കാരായ ശുചീകരണ ​െതാഴിലാളികളെ കോവിഡിനിടെ പിരിച്ചുവിട്ടതിൽ പ്രതിഷേധിച്ച്​ തൊഴിലാളികൾ ആശുപത്രിക്ക്​ മുന്നിൽ അനിശ്ചിതകാല സത്യഗ്രഹം തുടങ്ങി. ജോലിയിൽ തിരിച്ചെടുക്കണമെന്നാവശ്യപ്പെട്ട്​ നടത്തുന്ന സമരം ഡി.സി.സി പ്രസിഡൻറ്​ യു. രാജീവൻ ഉദ്​ഘാടനം ചെയ്​തു. സമരസമിതി ചെയർമാൻ ദിനേശ്​ പെരുമണ്ണ അധ്യക്ഷത വഹിച്ചു. സമരസമിതി വൈസ്​ ചെയർമാൻ പി.ടി. ജനാർദനൻ, കെ.സി. പ്രവീൺ കുമാർ, ജനറൽ കൺവീനർ പുതുശ്ശേരി വിശ്വനാഥൻ, സമരസമിതി ട്രഷറർ വിബീഷ് കമ്മനകണ്ടി, പി.ടി. സന്തോഷ് കുമാർ, ശ്രീജേഷ് ചെലവൂർ, ഉസ്മാൻ ചേളന്നൂർ, വിജീഷ് കട്ടക്കളം, വിജയ നിർമല, പി. ഷാജി, ടി.സുഭിത, ബാലൻ എന്നിവർ സംസാരിച്ചു.