കോവിഡ്: കുറുമാത്തൂർ പഞ്ചായത്തിൽ രണ്ടു മരണം

തളിപ്പറമ്പ്: കോവിഡ് ബാധിച്ച് കുറുമാത്തൂർ പഞ്ചായത്തിൽ രണ്ടു പേർ മരിച്ചു. പാറാട് സ്വദേശി ടി.പി. അബ്​ദുല്ല(68), കരിമ്പം വേളിപ്പാറ ഹിലാൽ നഗർ സ്വദേശി മുരിങ്ങോളി മുഹമ്മദ്(79) എന്നിവരാണ് മരിച്ചത്. വൃക്കരോഗിയായിരുന്ന അബ്​ദുല്ലക്ക് ശനിയാഴ്‌ച നടത്തിയ ആൻറിജൻ പരിശോധനയിലാണ് കോവിഡ് കണ്ടെത്തിയത്. തുടർന്ന് ഹോം ഐസൊലേഷനിൽ കഴിഞ്ഞ അബ്​ദുല്ലയെ സ്ഥിതി വഷളായതോടെ പരിയാരം കണ്ണൂർ ഗവ.മെഡി. കോളജിലേക്ക് മാറ്റി. അർധരാത്രിയോടെ മരിച്ചു. മൃതദേഹം ഞായറാഴ്‌ച പുലർച്ചെ കുറ്റിക്കോൽ ജുമാമസ്ജിദ് ഖബർസ്ഥാനിൽ ഖബറടക്കി. ഭാര്യ: നഫീസ. മക്കൾ: ഹസീന, അനീസ, അബൂബക്കർ, അജ്നാസ്. തളിപ്പറമ്പ് സർസയ്യിദ് കോളജിലെ റിട്ട. ലൈബ്രേറിയനാണ് മുരിങ്ങോളി മുഹമ്മദ്. കാൻസർ ബാധിതനായിരുന്നു ഇദ്ദേഹം. സമ്പർക്കത്തിലൂടെയാണ് മുഹമ്മദിന് കോവിഡ് സ്ഥിരീകരിച്ചത്. പരിയാരം കണ്ണൂർ ഗവ.മെഡി.കോളജിൽ ചികിത്സയിൽ കഴിയവെയാണ് മരണം. ഭാര്യ: റസിയ. മക്കൾ: സുഹൈൽ (ബഹ്റൈൻ), സിറാജുദ്ദീൻ (പ്രഫസർ. ഗവ.കോളജ് മൊകേരി), ഷക്കീല(അള്ളാംകുളം), ഇല്യാസ്(ദീനിയാത്ത് മദ്റസ വളപട്ടണം), സൗദ (സീതി സാഹിബ് ഹയർ സെക്കൻഡറി സ്കൂൾ), ജുവൈരിയ(സർ സയ്യിദ് ഹൈസ്ക്കൂൾ), റംല(ആടിക്കും പാറ), പരേതനായ അഷ്കർ. മരുമക്കൾ: കെ. അഷ്റഫ്, അബ്​ദുൽ സമദ്(വ്യാപാരി, ശ്രീകണ്ഠപുരം), പി.എം. അഷ്റഫ്(വ്യാപാരി, ചക്കരക്കൽ), ഹാരിസ്( ഹോട്ടൽ റോയൽ പാലസ്), ഷഫീന(ശ്രീകണ്ഠപുരം), ബുഹൈറ (തളിപ്പറമ്പ്), സുഫൈജ(കാട്ടാമ്പള്ളി). muringoli muhammed covide death TLP