വിമർശനം ഉന്നയിക്കുമ്പോഴും ഊഷ്മള വ്യക്തിബന്ധം ഊട്ടി വളർത്തി -മുഖ്യമന്ത്രി

കോഴിക്കോട്​: താമരശ്ശേരി രൂപത മുൻ അധ്യക്ഷൻ ബിഷപ് മാർ പോൾ ചിറ്റിലപ്പിള്ളിയുടെ വിയോഗത്തിൽ മുഖ്യമന്ത്രി പിണറായി വിജയൻ അനുശോചിച്ചു. പ്രത്യേക വിഷയങ്ങളിൽ വിമർശനം ഉന്നയിക്കുമ്പോഴും അദ്ദേഹവുമായി ഊഷ്മളമായ വ്യക്തിബന്ധം ഊട്ടിവളർത്താൻ കഴിഞ്ഞിരുന്നുവെന്ന്​ മുഖ്യമന്ത്രി പറഞ്ഞു. രൂപതാധ്യക്ഷൻ എന്നനിലയിൽ പ്രവർത്തിക്കുമ്പോഴും വിരമിച്ച്​ വിശ്രമജീവിതത്തിലേക്കു പോയശേഷവും ആ ബന്ധം നിലനിർത്താൻ കഴിഞ്ഞു. അർപ്പണ മനോഭാവത്തോടെ സേവനം നടത്തിയ വൈദിക ശ്രേഷ്ഠനെയാണ് ക്രൈസ്തവ സഭക്ക് നഷ്​ടമാകുന്നത് -മുഖ്യമന്ത്രി പറഞ്ഞു.