Begin typing your search above and press return to search.
exit_to_app
exit_to_app
Posted On
date_range 6 Sep 2020 11:58 PM GMT Updated On
date_range 6 Sep 2020 11:58 PM GMTയാത്രക്കാരെ കൊള്ളയടിക്കാൻ ലക്ഷ്യമിട്ട ഒമ്പതംഗ മോഷണസംഘം പിടിയിൽ
text_fieldsbookmark_border
വീരാജ്പേട്ട: വീരാജ്പേട്ട-ഗോണികുപ്പ വഴി കേരളത്തിൽനിന്ന് കർണാടകയുടെ വിവിധ ഭാഗങ്ങളിലേക്ക് കച്ചവടസംബന്ധമായും മറ്റും യാത്രെചയ്യുന്നവരുടെ വാഹനങ്ങൾ തടഞ്ഞുനിർത്തി കൊള്ളയടിക്കാൻ ലക്ഷ്യമിട്ട ഒമ്പതംഗ സംഘത്തെ വീരാജ്പേട്ട പൊലീസ് പിടികൂടി. പെരുമ്പാടിക്കടുത്ത ഹോട്ടലിനരികിൽ ശനിയാഴ്ച പുലർച്ച ദുരൂഹസാഹചര്യത്തിൽ രണ്ടു കാറുകൾ ശ്രദ്ധയിൽപെട്ട സാഹചര്യത്തിലാണ് ടൗൺ പൊലീസിൻെറ നടപടി. സംശയം തോന്നിയ സംഘം രക്ഷപ്പെടാൻ ശ്രമിക്കുന്നതിനിടെയാണ് പിടിയിലായത്. കണ്ണൂർ സ്വദേശി കെ.ബി. അഭിനവ് (21), വടകര സ്വദേശി വൈഷ്ണവ് (22) എന്നിവരാണ് പിടിയിലായ മലയാളികൾ. ബംഗളൂരു കനകപുരത്തുകാരായ നാരായണ സ്വാമി (34), എം. സതീശ് (33), ബംഗളൂരു സ്വദേശികളായ ജോൺപോൾ (28), ജ്ഞാനേന്ദ്രപ്രസാദ് (30), മൈസൂരുവിലെ വാദിരാജ് (38), തമിഴ്നാട് ഹൊസൂരിലെ എച്ച്. സുരേഷ് (31), പുരുഷോത്തമൻ (45) എന്നിവരാണ് അറസ്റ്റിലായ മറ്റുള്ളവർ. ഇവരുടെ കാറുകൾ പരിശോധിച്ചപ്പോൾ കത്തി, കൊടുവാൾ, ഇരുമ്പുദണ്ഡ്, രണ്ടു കിലോ മുളകുപൊടി എന്നിവ കണ്ടെത്തി. ഇവരെ വീരാജ്പേട്ട പ്രിൻസിപ്പൽ മജിസ്ട്രേറ്റ് കോടതിയിൽ ഹാജരാക്കി. ഈ മാസം 21 വരെ ജുഡീഷ്യൽ കസ്റ്റഡിയിൽ വെക്കാൻ ഉത്തരവായി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story