കമ്മാണ്ടി കടവ് പാലത്തിന് മുകളിൽ വൻ മരം ഒഴുകിയെത്തി

കുന്ദമംഗലം: ചാത്തമംഗലം-കുന്ദമംഗലം പഞ്ചായത്തുകളെ ബന്ധിപ്പിക്കുന്ന കമ്മാണ്ടി കടവ് പാലത്തിന് മുകളിൽ വൻ മരം ഒഴുകിയെത്തി ഗതാഗതം സ്തംഭിച്ചു. ചെറുപുഴക്ക് കുറുകെയുള്ള പാലത്തിൽ ശനിയാഴ്ച രാത്രിയാണ് സംഭവം. കാൽനട പോലും അസാധ്യമാക്കുന്ന വിധത്തിൽ പാലത്തിന് കുറുകെ കിടന്ന മരം വെള്ളിമാട്കുന്നിൽനിന്ന് ബാബുരാജി​ൻെറ നേതൃത്വത്തിൽ എത്തിയ അഗ്നിശമന സേനാംഗങ്ങളും നാട്ടുകാരും ചേർന്ന് മണിക്കൂറുകൾ എടുത്താണ് മുറിച്ച് മാറ്റിയത്.