കക്കട്ടിൽ വാഹനാപകടം; രണ്ടുപേർക്ക് പരിക്ക്

കക്കട്ടിൽ: കക്കട്ടിൽ ഞായറാഴ്​ച രാവിലെയുണ്ടായ വാഹനാപകടത്തിൽ രണ്ടുപേർക്ക് പരിക്കേറ്റു. നരിപ്പറ്റ നമ്പ്യാത്താംകുണ്ട് സ്വദേശികളായ മാഞ്ചാൽ ആഫിൽ, ഏറോളങ്കണ്ടി ആഷിഖ് എന്നിവർക്കാണ് പരിക്കേറ്റത്. ഇവർ സഞ്ചരിച്ച മാരുതി ആൾട്ടോ കാർ നിയന്ത്രണം വിട്ട് മരത്തിൽ ഇടിക്കുകയായിരുന്നു. വാഹനത്തി​ൻെറ മുൻഭാഗം പൂർണമായി തകർന്നു. സ്ഥലത്തെത്തിയ നാട്ടുകാർ ഇവരെ കല്ലാച്ചി വിംസ് ആശുപത്രിയിൽ എത്തിച്ചു.