Begin typing your search above and press return to search.
exit_to_app
exit_to_app
Posted On
date_range 8 Aug 2020 11:58 PM GMT Updated On
date_range 8 Aug 2020 11:58 PM GMTക്വാറൻറീൻ കേന്ദ്രമായി പ്രവർത്തിക്കുന്ന സ്കൂൾ കെട്ടിടം തകർന്നു
text_fieldsbookmark_border
വളപട്ടണം: വളപട്ടണത്തെ ക്വാറൻറീൻ കേന്ദ്രമായി പ്രവർത്തിക്കുന്ന സ്കൂൾ കെട്ടിടം തകർന്നു. ആളപായമില്ല. താജുൽ ഉലൂം ഇംഗ്ലീഷ് മീഡിയം ഹയർ സെക്കൻഡറി സ്കൂളിൻെറ മൂന്ന് നിലകളിലായി പ്രവർത്തിക്കുന്ന ശുചിമുറിയാണ് ശനിയാഴ്ച രാത്രി ഒമ്പതോടെ ഇടിഞ്ഞുതാഴ്ന്നത്. മൂന്നാമത്തെ നിലയിലുള്ള ശുചിമുറി ക്വാറൻറീനിൽ കഴിയുന്നവർ ഉപയോഗിക്കുന്നതാണ്. അറുപതോളം ശുചിമുറികളുള്ള കെട്ടിടമാണ് തകർന്ന് സമീപത്തുള്ള ക്ലാസ് മുറികളോടുകൂടിയ കെട്ടിടത്തിലേക്ക് ഇടിഞ്ഞു താഴ്ന്നത്. തകർന്ന കെട്ടിടത്തിൻെറ പടിഞ്ഞാറ് ഭാഗത്താണ് വിദേശത്തുനിന്നുവന്ന ഒമ്പതോളം പ്രവാസികൾ ക്വാറൻറീനിൻ കഴിയുന്നത്. ഇവരെ വളപട്ടണം സി.എച്ച്. മുഹമ്മദ് കോയ സ്മാരക ഹയർ സെക്കൻഡറി സ്കൂളിലേക്ക് മാറ്റി. വൻശബ്ദം കേട്ട പരിസരവാസികൾ നടത്തിയ തിരച്ചിലിലാണ് സ്കൂൾ കെട്ടിടം തകർന്ന നിലയിൽ കണ്ടത്. വളപട്ടണം എസ്.ഐ എം. ഷിജുവിൻെറ നേതൃത്വത്തിലുള്ള പൊലീസ് സംഘവും കണ്ണൂരിൽനിന്ന് ഫയർഫോഴ്സുമെത്തി പരിശോധന നടത്തി. സ്കൂൾ കെട്ടിടത്തിൻെറ സമീപപ്രദേശങ്ങളിലെ വൈദ്യുതി ബന്ധം വിച്ഛേദിച്ചു. cap: വളപട്ടണം താജുൽ ഉലൂം ഇംഗ്ലീഷ് മീഡിയം ഹയർ സെക്കൻഡറി സ്കൂൾ കെട്ടിടത്തിൻെറ തകർന്ന ഭാഗങ്ങൾ
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story