വില്ലേജ് ഓഫിസറുടെ സ്ഥലംമാറ്റം പിൻവലിക്കണം –ബി.ജെ.പി

ഓമശ്ശേരി: കൂടത്തായി വില്ലേജ് ഓഫിസർ ഷിജുവിനെ സ്ഥലംമാറ്റിയ റവന്യൂ അധികൃതരുടെ നടപടി പിൻവലിക്കണമെന്ന് ബി.ജെ.പി ആവശ്യപ്പെട്ടു. വില്ലേജ് ഓഫിസ് ജനകീയ പങ്കാളിത്തത്തോടെ സ്മാർട്ട് ഓഫിസാക്കി മാറ്റിയ ഓഫിസറാണ്​ അദ്ദേഹം. പാവപ്പെട്ടവരുടെയും കർഷകരുടെയും സഹായിയായി പ്രവർത്തിക്കുകയും പ്രളയക്കെടുതിയിൽ മുന്നിൽനിന്ന് പ്രവർത്തിക്കുകയും കോവിഡ് പ്രതിരോധത്തിന് രംഗത്തിറങ്ങുകയും ചെയ്​ത ഓഫിസറെ മഴക്കെടുതി സമയത്ത് സ്ഥലംമാറ്റിയതിനെതിരെ നടപടി സ്വീകരിക്കണമെന്ന് യോഗം ആവശ്യപ്പെട്ടു. കലക്ടർ, എം.എൽ.എ, റവന്യൂ അധികാരികൾ എന്നിവർക്ക് പരാതി കൊടുക്കാനും തീരുമാനിച്ചു. കെ. ബാലൻ അധ്യക്ഷതവഹിച്ചു. വി. ദേവദാസൻ, വിജയകുമാർ, ദിജേഷ്, വേലായുധൻ നായർ, കൃഷ്ണൻകുട്ടി, ഉദയകുമാർ എന്നിവർ പങ്കെടുത്തു.