പെൻഷൻ അടിയന്തരമായി വിതരണം ചെയ്യാൻ തയാറാവണം

കൊടുവള്ളി: നഗരസഭ പരിധിയിലെ വിവിധ പെൻഷനുകൾ ബലിപെരുന്നാളിനുമുമ്പ് സർവിസ് ബാങ്കിൽ എത്തിയിട്ടും വിതരണം നടത്താത്ത നടപടി പ്രതിഷേധാർഹമാണെന്നും കോവിഡ് കാലത്ത് ജനങ്ങൾ ഏറെ പ്രയാസപ്പെടുന്ന സാഹചര്യം അധികൃതർ മനസ്സിലാക്കി വിതരണം ചെയ്യാൻ നടപടി സ്വീകരിക്കണമെന്നും നഗരസഭ ഡെപ്യൂട്ടി ചെയർപേഴ്സൻ എ.പി. മജീദ് ആവശ്യപ്പെട്ടു. കൊടുവള്ളി ഒഴികെയുള്ള മറ്റ് സഹകരണ ബാങ്കുകൾ പെൻഷൻ വിതരണം പൂർത്തീകരണ ഘട്ടത്തിലാണ്. പാവപ്പെട്ടവരുടെ പെൻഷൻ തടഞ്ഞ കൊടുവള്ളി സഹകരണ ബാങ്ക് ഭരണസമിതി രാജിവെക്കണമെന്നും ഇക്കാര്യത്തിൽ സി.പി.എം നിലപാട് വ്യക്തമാക്കണമെന്നും അദ്ദേഹം ആവശ്യപ്പെട്ടു.