സ്​കൂട്ടറിനു മുകളിൽ വൈദ്യുതി തൂൺ വീണു; യുവാവ് രക്ഷപ്പെട്ടത്​ തലനാരിഴക്ക്​

കണ്ണാടിപ്പറമ്പ്: റോഡിരികിൽ നിർത്തിയിട്ട സ്​കൂട്ടറിനു മുകളിൽ വൈദ്യുതി തൂൺ വീണ് സ്​കൂട്ടർ തകർന്നു. യുവാവ് തലനാരിഴക്ക് രക്ഷപ്പെട്ടു. കഴിഞ്ഞ രാത്രിയോടെ ഉണ്ടായ ശക്തമായ കാറ്റിലും മഴയിലുമാണ് വൈദ്യുതി തൂൺ സ്​കൂട്ടറിന് മുകളിൽ വീണത്. സ്​കൂട്ടറിൽ സഞ്ചരിക്കുന്നതിനിടയിൽ ശക്തമായ കാറ്റും മഴയും കാരണം കാറാട്ട് കൊറ്റാളിയിൽ റോഡരികിൽ സ്​കൂട്ടർ നിർത്തിയിട്ടതിനുശേഷം യാത്രക്കാരനായ യുവാവ് സമീപത്തെ കടയുടെ വരാന്തയിൽ കയറിനിൽക്കാൻ നടന്ന് പോകുന്നതിനിടെയാണ് അപകടമുണ്ടായത്. അപകടത്തിൽ സ്​കൂട്ടർ പൂർണമായും തകർന്നു. പടം: PUTH_Electric post scooter അപകടത്തിൽപെട്ട സ്​കൂട്ടർ