ആർ.ആർ.ടിയെ രാഷ്ട്രീയവത്​കരിക്കുന്നതായി ആരോപണം

ഫറോക്ക്: കോഴിക്കോട് നഗരസഭ 46ാം ഡിവിഷൻ കൗൺസിലറുടെ നേതൃത്വത്തിൽ ആർ.ആർ.ടി.യെ രാഷ്​ട്രീവത്​കരിക്കുന്നതായി വെൽഫെയർ പാർട്ടി ആരോപിച്ചു. സി.പി.എമ്മുകാരല്ലാത്തവർക്ക്​ സന്നദ്ധ പ്രവർത്തനങ്ങൾക്ക് അനുമതിയില്ല. കോവിഡ് സമൂഹവ്യാപനം കാരണം കണ്ടെയ്ൻമൻെറ്​ സോണായി പ്രഖ്യാപിച്ച ഡിവിഷനിൽ കലക്​ടറുടെ നിർദേശങ്ങൾക്കു​പുറമേ പാർട്ടി പ്രവർത്തനവും ആർ.ആർ.ടി മറവിൽ നടക്കുന്നു. 50 കഴിഞ്ഞവർ കൂടി ഇറങ്ങിനടന്ന് പാർട്ടി തെരഞ്ഞെടുപ്പു കമ്മിറ്റി പ്രവർത്തനങ്ങൾ നടപ്പാക്കാനാണ് ശ്രമിക്കുന്നതെന്നും വെൽഫെയർ പാർട്ടി കുറ്റപ്പെടുത്തി.