കുന്ദമംഗലത്ത് പരിശോധനയിൽ വീണ്ടും കോവിഡ് കണ്ടെത്തി

കുന്ദമംഗലം: ഗ്രാമപഞ്ചായത്തിൽ കോവിഡ് പരിരോധനയിൽ വീണ്ടും പോസിറ്റിവ് കണ്ടെത്തി. ചൊവ്വാഴ്ച പൈങ്ങോട്ടു പുറത്തെ മൊണ്ടാനോ എസ്​റ്റേറ്റിലാണ് ആരോഗ്യ വകുപ്പി​ൻെറ നേതൃത്വത്തിൽ പരിശോധന നടത്തിയത്. എസ്​റ്റേറ്റിൽ താമസിക്കുന്ന തൊഴിലാളികളെയും കുന്ദമംഗലം കെ.എസ്.ഇ.ബി.സബ് സ്​റ്റേഷനിലെ ജീവനക്കാരെയുമാണ് മുഖ്യമായി ടെസ്​റ്റിന് വിധേയമാക്കിയത്.199 പേർക്ക് ആൻറിജൻ ടെസ്​റ്റും 18 പേർക്ക് പി.സി.ആർ ടെസ്​റ്റുമാണ് നടത്തിയത്. ആൻറിജൻ ടെസ്​റ്റിൽഏഴു പേർക്ക് പോസിറ്റിവ് കണ്ടെത്തിയതായി അറിയുന്നു. അതിനിടെ പഞ്ചായത്തിലെ ഒന്നാം വാർഡായ പതിമംഗലം പ്രദേശം അധികൃതർ കണ്ടെയ്ൻമൻെറ് മേഖലയിൽനിന്ന് ഒഴിവാക്കി. ഇവിടെ കഴിഞ്ഞ ആഴ്ച നടന്ന പരിശോധനയിൽ എല്ലാവരും നെഗറ്റിവ് ആയതിനെ തുടർന്നാണിത്.