കുറ്റ്യാടിയിൽ ഒരാൾക്കുകൂടി കോവിഡ്

കുറ്റ്യാടി: അടുക്കത്തെ മത്സ്യസ്​റ്റാളിലെ തൊഴിലാളിയുടെ സമ്പർക്കപ്പട്ടികയിലുള്ള ഒരാൾക്കുകൂടി കോവിഡ് സ്​ഥിരീകരിച്ചു. സ്​റ്റാളിനു സമീപത്തെ ചായക്കടയിൽ സഹായിയായി പ്രവർത്തിച്ച വടയംകൂരാറയിലെ 56കാരനാണ് ശനിയാഴ്ച കുറ്റ്യാടി ഗവ. ആശുപത്രിയിൽ നടന്ന ആൻറിജൻ പരിശോധനയിൽ പോസിറ്റിവായത്. ഊരത്ത് സ്വദേശികളായ കടക്കാരനും ഭാര്യക്കും മകനും നേരത്തേ രോഗം കണ്ടെത്തി ചികിത്സയിലാണ്. മക​ൻെറ സമ്പർക്കപ്പട്ടികയിലുള്ളവരടക്കം 20 പേരെ പരിശോധിച്ചതിലാണ് ഒരാൾ പോസിറ്റിവായത്. ഇതോടെ മത്സ്യസ്​റ്റാളുമായി ബന്ധപ്പെട്ട് രോഗം വന്നവർ അഞ്ചായി.