Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightജില്ലയിൽ സ്വകാര്യബസ്​...

ജില്ലയിൽ സ്വകാര്യബസ്​ സർവിസ് നിലച്ചു

text_fields
bookmark_border
കോഴി​േക്കാട്​: ജില്ലയിൽ സ്വകാര്യബസ്​ സർവിസ് അനിശ്ചിതകാലത്തേക്ക്​ നിലച്ചു. നഷ്​ടം താങ്ങാനാവുന്നില്ലെന്ന്​ ചൂണ്ടിക്കാട്ടിയാണ് ബസുകളുടെ പിൻവാങ്ങൽ.​ 90 ശതമാനത്തോളം ബസുകൾ ശനിയാഴ്​ച നിരത്തിലിറങ്ങിയില്ല. സംസ്​ഥാനത്തുടനീളം ആഗസ്​റ്റ്​ ഒന്നു മുതൽ സർവിസ്​ നിർത്തിവെക്കുമെന്ന് അസോസിയേഷനുകളുടെ ​ സംയുക്​ത സമിതി സർക്കാറിനെ അറിയിച്ചിരുന്നു. കെ.എസ്​.ആർ.ടി.സിയാണ്​ യാത്രക്കാർക്ക്​ ആശ്വാസമായത്​. ജില്ലയിൽ കെ.എസ്​.ആർ.ടി.സി യാത്രക്കാരുടെ എണ്ണം നോക്കിയാണ്​ സർവിസ്​ ഷെഡ്യൂൾ ചെയ്യുന്നത്​. ശനിയാഴ്​ച യാത്രക്കാർ വളരെ കുറവായിരുന്നു എന്ന്​ അധികൃതർ പറഞ്ഞു. കെ.എസ്​.ആർ.ടി.സി ആഗസ്​റ്റ്​ ഒന്നു മുതൽ ദീർഘദൂര​ ​സർവിസ്​ പ്രഖ്യാപിച്ചിരുന്നെങ്കിലും ആരോഗ്യവകുപ്പി​ൻെറ എതിർപ്പിനെ തുടർന്ന്​ ആരംഭിക്കാനായില്ല. കോവിഡിനെ തുടർന്നുണ്ടായ പ്രതിസന്ധി മറികടക്കാൻ ബസ് ടിക്കറ്റ് നിരക്ക് പരിഷ്‌കരിച്ചിരുന്നു. നിരക്ക് നിശ്ചയിക്കുന്നതിനുളള കിലോമീറ്റര്‍ പരിധി കുറച്ചായിരുന്നു പരിഷ്‌കരണം. ഇതുകൊണ്ടും നഷ്​ടം നികത്താനാവുന്നില്ലെന്നാണ്​ ബുസടമകൾ പറയുന്നത്​. നികുതിയിൽ നിന്നൊഴിവായിക്കിട്ടാൻ സർക്കാറിന്​ 'ജി.ഫോം' നൽകിയിരിക്കുകയാണ്​ ബസുടമകൾ. ഇതുപ്രകാരം മൂന്ന്​ മാസം വരെ നിർത്തിയിടാം.
Show Full Article
TAGS:
Next Story