കട്ടിപ്പാറയിലും താമരശ്ശേരിയിലും പ്രാഥമിക ചികിത്സ കേന്ദ്രം സജ്ജം

താമരശ്ശേരി: കട്ടിപ്പാറ, താമരശ്ശേരി ഗ്രാമ പഞ്ചായത്തുകളില്‍ കോവിഡ് പ്രാഥമിക ചികിത്സ കേന്ദ്രങ്ങള്‍ സജ്ജമായി. 100 പേര്‍ക്കുള്ള സൗകര്യവുമായി ഹോളിഫാമിലി ഹയര്‍ സെക്കൻഡറി സ്‌കൂളിലും സാന്ത്വന ഡി അഡിക്​ഷന്‍ സൻെററിലുമായാണ്​ കട്ടിപ്പാറയിലെ ചികിത്സ കേന്ദ്രം ഒരുക്കിയിരിക്കുന്നത്. താമരശ്ശേരിയില്‍ അണ്ടോണ മഹല്ല് കണ്‍വെന്‍ഷന്‍ ഹാളില്‍ 75 പേര്‍ക്കുള്ള ചികിത്സ സൗകര്യവും സജ്ജമായിട്ടുണ്ട്. ജനകീയ പങ്കാളിത്തത്തോടെയാണ് ഇരു പഞ്ചായത്തുകളിലും കോവിഡ് ചികിത്സ കേന്ദ്രങ്ങള്‍ ഒരുങ്ങുന്നത്. താമരശ്ശേരി താലൂക്ക് ആശുപത്രി മെഡിക്കല്‍ സംഘവും ഗ്രാമപഞ്ചായത്ത് അധികൃതരും ആര്‍.ആര്‍.ടി വളൻറിയര്‍മാരും ചേര്‍ന്നാണ് ആവശ്യമായ ക്രമീകരണങ്ങള്‍ നടത്തിയത്.