കോവിഡ്​ നിയമം ലംഘിച്ച അഞ്ച് കടകൾക്കെതിരെ കേസ്​

വെള്ളിമാട്​കുന്ന്: കോവിഡ്​നിയമം ലംഘിച്ച് തുറന്നു പ്രവർത്തിച്ച അഞ്ച് കടയുടമകൾക്കെതിരെ ചേവായൂർ പൊലീസ് കേസെടുത്തു. കണ്ടെയ്ൻമൻെറ് സോണുകളിൽപെട്ട പ്രദേശങ്ങളിലെ കടകൾ തുറന്നതിനാണ് ചേവായൂർ എസ്.ഐ എം.കെ. അനിൽകുമാർ വ്യാഴാഴ്​ച കേസെടുത്തത്. പൂളക്കടവിലെ രണ്ടു കടകൾ, പാലക്കോട്ടു വയലിലെ ഒരു കട, മൂഴിക്കലിലെ ഒരു കട, കാളാണ്ടി താഴത്തെ ഒരു കട എന്നിവിടങ്ങളിലെ കടയുടമകൾക്കെതിരെയാണ് കേസ്.