ജപ്തി ചെയ്ത വീടി​െൻറ കോലായിയിൽ കഴിയുന്ന കുടുംബത്തെ പുനരധിവസിപ്പിക്കണം -മനുഷ്യാവകാശ കമീഷൻ

ജപ്തി ചെയ്ത വീടി​ൻെറ കോലായിയിൽ കഴിയുന്ന കുടുംബത്തെ പുനരധിവസിപ്പിക്കണം -മനുഷ്യാവകാശ കമീഷൻ കോഴിക്കോട്: ബാങ്ക് ജപ്തി ചെയ്ത വീടി​ൻെറ കോലായിയിലും മുറ്റത്തുമായി കഴിയുന്ന നിർധന കുടുംബത്തെ പുനരധിവസിപ്പിക്കാൻ ജില്ല കലക്ടറും ജില്ല സാമൂഹിക നീതി ഓഫിസറും അടിയന്തര നടപടി സ്വീകരിക്കണമെന്ന് സംസ്ഥാന മനുഷ്യാവകാശ കമീഷൻ. ചേവരമ്പലം തായാട്ടുപൊയിൽ കോളനിയിൽ വി.കെ. വേലായുധനെയും കുടുംബത്തെയും പുനരധിവസിപ്പിക്കാനാണ് കമീഷൻ ജുഡീഷ്യൽ അംഗം പി. മോഹനദാസ് നിർദേശം നൽകിയത്. വേലായുധ​ൻെറ വീട് ജപ്തി ചെയ്ത കാലിക്കറ്റ് കോഓപറേറ്റിവ് അർബൻ ബാങ്ക്, മലാപ്പറമ്പ് ശാഖ മാനേജർ 30 ദിവസത്തിനകം ജപ്തി നടപടി സംബന്ധിച്ച് കമീഷൻ ഓഫിസിൽ രേഖാമൂലം വിശദീകരണം സമർപ്പിക്കണമെന്നും കമീഷൻ ആവശ്യപ്പെട്ടു. മാധ്യമവാർത്തയെ തുടർന്ന് സ്വമേധയാ രജിസ്​റ്റർ ചെയ്ത കേസിലാണ് നടപടി. നടപടി സ്വീകരിച്ച ശേഷം 30 ദിവസത്തിനകം കലക്ടറും സാമൂഹിക നീതി ജില്ല ഓഫിസറും റിപ്പോർട്ട് സമർപ്പിക്കണമെന്ന് കമീഷൻ ആവശ്യപ്പെട്ടു.