ആരോഗ്യ പ്രവർത്തകരുടെ സുരക്ഷ ഉറപ്പാക്കണം

കോഴിക്കോട്: കോവിഡ് വ്യാപനത്തി​ൻെറ ഗുരുതര സഹചര്യത്തിൽ ആരോഗ്യ പ്രവർത്തകരുടെ സുരക്ഷ ഉറപ്പാക്കാൻ അടിയന്തര നടപടി സ്വീകരിക്കണമെന്ന് ബ്ലഡ് പേഷ്യൻറ്​സ് പ്രൊട്ടക്​ഷൻ കൗൺസിൽ സംസ്ഥാന സർക്കാറിനോടാവശ്യപ്പെട്ടു. ഡോക്ടർമാർക്കും നഴ്സുമാർക്കും കോവിഡ് ബാധിക്കുകയും കൂട്ടത്തോടെ ക്വാറൻറീനിൽ പോകുകയും ചെയ്യുന്ന സംഭവങ്ങൾ അതീവ ആശങ്ക സൃഷ്​ടിക്കുന്നതുമാണ്. ഇത് ആരോഗ്യ സേവനങ്ങളുടെ താളം തെറ്റാനിടയാക്കും. സുരക്ഷ പാളിച്ച എവിടെയൊക്കെയാണ് സംഭവിക്കുന്നതെന്ന് പരിശോധിക്കണം. രോഗികൾക്ക് ചികിത്സ നിഷേധിക്കപ്പെടാൻ ഇടയാക്കാതെ ശ്രദ്ധിക്കണമെന്നും ആവശ്യപ്പെട്ടു.