ഇരുവഴിഞ്ഞിപ്പുഴയിൽ കോഴിമാലിന്യം തള്ളിയ വയോധികൻ പിടിയിൽ

നഗരസഭ 5000 രൂപ പിഴയിട്ടു മുക്കം: ഇരുവഴിഞ്ഞിപ്പുഴയിലെ തെയ്യത്തുംകടവിൽ സ്​ഥിരമായി കോഴിമാലിന്യം തള്ളുന്ന വയോധികൻ പിടിയിൽ. നെല്ലിക്കാപറമ്പിൽ ചിക്കൻ സ്​റ്റാൾ നടത്തുന്ന അബ്​ദുസ്സലാമിനെയാണ് മുക്കം നഗരസഭ സെക്രട്ടറിയുടെ നേതൃത്വത്തിലുള്ള ആരോഗ്യസംഘം പിടികൂടിയത്. സംഭവത്തിൽ നഗരസഭ നിയമപ്രകാരം 5000 രൂപ പിഴയിട്ടു. ലോക്ഡൗണി​ൻെറ മറവിൽ രാത്രി എട്ടു മണിക്കുശേഷമാണ് ഇയാൾ ബൈക്കിൽ മാലിന്യം കെണ്ടുവന്ന്​ പുഴയിലേക്ക്​ തള്ളുന്നത്​. രാത്രികാലങ്ങളിൽ കോഴിമാലിന്യം തള്ളുന്നതിനെതിരെ പരിസരവാസികൾ ബൈക്കി​ൻെറ നമ്പറടക്കം ചേർത്ത് വാർഡ് കൗൺസിലർ മുഖേന നഗരസഭ അധികൃതർക്ക് പരാതി നൽകിയിരുന്നു. നിരവധി കുടിവെള്ള പദ്ധതികളുള്ളതും, ജനങ്ങൾ കുളിക്കാനും വസ്ത്രമലക്കാനും ഉപയോഗിക്കുന്നതുമായ ജലസ്രോതസ്സ് അറവുമാലിന്യങ്ങൾ നിക്ഷേപിച്ച് മലിനപ്പെടുത്തുകയാ​െണന്ന് പരാതിയിൽ ചൂണ്ടിക്കാണിച്ചിരുന്നു. നഗരസഭയിലെ ചിക്കൻ സ്​റ്റാളുകളിലെ കോഴിമാലിന്യ സംസ്കരണ പദ്ധതിക്ക് തുടക്കമായതി​ൻെറ പിറ്റേന്നാണ്​ സംഭവം റിപ്പോർട്ട് ചെയ്തത്​.