കെ. മുരളീധരൻ എം.പി കോവിഡ് പരിശോധനക്ക് വിധേയനായി

തലശ്ശേരി: വടകര ലോക്സഭാംഗം കെ. മുരളീധരൻ തലശ്ശേരി ജനറൽ ആശുപത്രിയിൽ കോവിഡ് പരിശോധനക്ക് വിധേയനായി. െവള്ളിയാഴ്ച രാവിലെ കാറിലെത്തിയ എം.പി തലശ്ശേരി കോട്ടക്ക് സമീപം ഇറങ്ങി ആശുപത്രിയിൽ എത്തുകയായിരുന്നു. തുടർന്ന്​ സ്രവം ശേഖരിച്ച് പരിശോധനക്കയച്ചു. ഫലം പിന്നീട് ലഭിക്കും. കഴിഞ്ഞദിവസം മണ്ഡലത്തിലെ ഒരു ഡോക്ടറുടെ വിവാഹച്ചടങ്ങിൽ എം.പി പങ്കെടുത്തിരുന്നു. ഇതേതുടർന്ന് ക്വാറൻറീനിൽ പോകാൻ കോഴിക്കോട് ജില്ല കലക്ടർ നിർദേശിച്ചിരുന്നു.