ഓമശ്ശേരിയിൽ കോവിഡ് പ്രതിരോധ പ്രവർത്തനങ്ങളിൽ വീഴ്ചയെന്ന് സി.പി.എം

ഓമശ്ശേരി: കോവിഡ് പ്രതിരോധ പ്രവർത്തനങ്ങളിൽ ഓമശ്ശേരി പഞ്ചായത്ത് നിസ്സംഗത കൈവെടിയണമെന്ന് സി.പി.എം ലോക്കൽ കമ്മിറ്റി ആവശ്യപ്പെട്ടു. പഞ്ചായത്തിൽ ഒരാൾക്ക് കോവിഡ് സ്ഥിരീകരിച്ചിരുന്നു. തുടർന്ന് കണ്ടെയ്ൻമൻെറ് സോൺ സംബന്ധിച്ച് വാർഡുകളുടെ പേരുകൾ തെറ്റായിവരുകയും നിശ്ചയമായും വരേണ്ട വാർഡ് ഒഴിവാക്കപ്പെടുകയുമുണ്ടായി. എട്ട്​, ഒമ്പത്​ വാർഡുകളാണ് കണ്ടെയ്ൻമൻെറ്​ സോണാക്കിയത്. ഒമ്പത്​ വാർഡ് നടമ്മൽപൊയിലിന് പകരം വെണ്ണക്കോട് എന്നാണ് ജില്ല ഭരണകൂടത്തിന് നൽകിയത്. കോവിഡ് സ്ഥിരീകരിച്ച പ്രശ്നങ്ങൾ ഗൗരവമായി കാണാനോ നടപടി സ്വീകരിക്കാനോ തയാറാവാത്ത നടപടിയെടുക്കാതെ ജില്ല ഭരണകൂടത്തിനെ പഴിചാരാനാണ് പഞ്ചായത്ത് അധികൃതർ ശ്രമിക്കുന്നതെന്നും ലോക്കൽ കമ്മിറ്റി കുറ്റപ്പെടുത്തി. ഒ.കെ. സദാനന്ദൻ അധ്യക്ഷതവഹിച്ചു.