കോംപിറ്റൻസി സെൻറർ പ്രവർത്തനമാരംഭിച്ചു

കോംപിറ്റൻസി സൻെറർ പ്രവർത്തനമാരംഭിച്ചു ചാലിയം: ചാലിയപ്പാടം അൽഫൗസ് ജുമാ മസ്ജിദ് മഹല്ലി​ൻെറ കീഴിൽ സിജിയുമായി സഹകരിച്ച് ചാലിയം കോംപിറ്റൻസി സൻെറർ സി-സർക്കിളിന് തുടക്കംകുറിച്ചു. പഠിതാക്കളിൽ മത്സരക്ഷമതയുണ്ടാക്കി ആത്മവിശ്വാസത്തോടെ പരീക്ഷകളെഴുതുവാൻ പ്രാപ്തരാക്കുകയും സർക്കാർ ഉദ്യോഗങ്ങൾക്ക്​ പ്രാപ്തമാക്കുകയുമാണ് സി-സർക്കിളി​ൻെറ ഉദ്ദേശ്യം. സിജി രൂപകൽപന ചെയ്യുന്ന പാഠഭാഗങ്ങൾ വിദ്യാർഥികൾക്ക് വാട്സ്ആപ് ഗ്രൂപ്പിലൂടെ ഓൺലൈനായി അയച്ചുകൊടുക്കുകയും പഠനപ്രവർത്തനങ്ങൾ മോണിറ്റർ ചെയ്യുകയുമാണ് പ്രവർത്തനരീതി. കാലിക്കറ്റ് യൂനിവേഴ്സിറ്റി ലൈബ്രേറിയൻ ഡോ. ടി.എ. അബ്​ദുൽ അസീസ് ഓൺലൈൻ കോച്ചിങ്ങി​ൻെറ ഉദ്ഘാടനം നിർവഹിച്ചു. ഉമ്പിച്ചി ഹാജി ഹയർ സെക്കൻഡറി സ്കൂൾ റിട്ട. പ്രധാനാധ്യാപകൻ എ. അബ്​ദുറഹ്മാൻ, സംസ്ഥാന ബാലാവകാശ കമീഷൻ അംഗം അഡ്വ. നസീർ ചാലിയം, സിജി ചാലിയം ചാപ്റ്റർ പ്രസിഡൻറ്​ ടി.എച്ച്. അബ്​ദുറഹ്മാൻ, കോംപിറ്റൻസി സൻെറർ രക്ഷാധികാരി ഇ.വി. അബ്​ദുൽ വാഹിദ് മാസ്​റ്റർ, സിജി സീനിയർ റിസോഴ്സ് പേഴ്സനും കൗൺസലിങ്​ സൈക്കോളജിസ്​റ്റുമായ മുനീറ ചാലിയം, സിജി ജനറൽ സെക്രട്ടറി ഇസഡ്.എ. അഷ്റഫ്, സൻെറർ ഫോർ കോംപിറ്റൻസി ഡവലപ്​മൻെറ്​ ഡയറക്ടർ കെ.എ. മുനീർ സൻെറർ കോ-ഓഡിനേറ്റർ യാസർ കൊട്ടലത്ത് എന്നിവർ സംസാരിച്ചു.