ആരോഗ്യ പ്രവർത്തകക്ക് കോവിഡ്; പെരുമണ്ണ പഞ്ചായത്ത് കണ്ടെയ്​ൻമെൻറ്

ആരോഗ്യ പ്രവർത്തകക്ക് കോവിഡ്; പെരുമണ്ണ പഞ്ചായത്ത് കണ്ടെയ്​ൻമൻെറ് പന്തീരാങ്കാവ്: പെരുമണ്ണ ഗ്രാമപഞ്ചായത്തിൽ ആരോഗ്യ പ്രവർത്തകക്ക് കോവിഡ് സ്ഥിരീകരിച്ചതിനെ തുടർന്ന് പഞ്ചായത്തിലെ മുഴുവൻ വാർഡുകളും കണ്ടെയ്​ൻമൻെറായി പ്രഖ്യാപിച്ചു. ശനിയാഴ്ച സാമ്പിൾ പരിശോധനയിലാണ് ആശ വർക്കർക്ക് കോവിഡ്​ പോസിറ്റിവ് ആയത്. ആരോഗ്യ പ്രവർത്തകക്ക് രോഗം ബാധിച്ച ഉറവിടം വ്യക്തമാവാത്തതും സമ്പർക്കപ്പട്ടികയിൽ നിരവധി പേരുള്ളതുമാണ് പെരുമണ്ണ ഗ്രാമപഞ്ചായത്ത് മുഴുവനായി കണ്ടെയ്​ൻമൻെറ് സോണാക്കി ഉത്തരവിറക്കാൻ കാരണമായത്. സമീപ പഞ്ചായത്തായ പെരുവയലിലെ 11ാം വാർഡിനും നിയന്ത്രണമേർപ്പെടുത്തിയിട്ടുണ്ട്. ഉറവിടം വ്യക്തമാവാതെ ആരോഗ്യ പ്രവർത്തക പോസിറ്റിവായത് ആശങ്ക സൃഷ്​ടിച്ചിട്ടുണ്ട്. പാലിയേറ്റിവ് പരിചരണമടക്കം നിരവധി സന്നദ്ധ പ്രവർത്തനങ്ങളിൽ ഈ ആരോഗ്യ പ്രവർത്തക പങ്കെടുത്തിരുന്നു. ഇവരുടെ സമ്പർക്കം കണ്ടെത്തി കൂടുതൽ പരിശോധനകൾ നടത്തുന്നത് വലിയ വെല്ലുവിളിയാണ്.