തൂണേരിയിൽ റാപിഡ് ആൻറിജൻ പരിശോധനയിൽ എട്ടു പേരുടെ ഫലംകൂടി പോസിറ്റിവ്

നാദാപുരം: തൂണേരി ആരോഗ്യ കേന്ദ്രത്തിൽ നടത്തിയ റാപിഡ് ആൻറിജൻ പരിശോധനയിൽ എട്ടുപേർക്കു കൂടി പോസിറ്റിവ്. തൂണേരിയിൽ ആറുപേർക്കും നാദാപുരത്ത് രണ്ടു പേർക്കുമാണ് പോസിറ്റിവായത്. 101 പേരുടെ പരിശോധനയാണ് തൂണേരിയിൽ നടത്തിയത്. 40 നാദാപുരത്തും 61 തൂണേരിയിലും ആണ്​ പരിശോധന നടത്തിയത്​. പോസിറ്റിവായവരിൽ ഗർഭിണിയടക്കമുള്ളവരുണ്ട്. സമ്പർക്കപ്പട്ടികയിലുള്ളവരുടെയും ആരോഗ്യ പ്രവർത്തകരുടെയും പരിശോധനയാണ് നടത്തിയത്. തൂണേരിയിൽ ആൻറിജൻ പരിശോധന നാലാം ഘട്ടത്തിലേക്ക് കടന്നിരിക്കുകയാണ്. കഴിഞ്ഞദിവസം ആർ.ടി.പി.സി.ആർ ടെസ്​റ്റ്​ നടത്തിയ എടച്ചേരി ഗ്രാമപഞ്ചായത്തിലുള്ള 83 പേരുടെ ഫലവും നെഗറ്റിവാണ്. വളയത്ത് ആർ.ആർ.ടി അംഗത്തി​ൻെറ രോഗ ഉറവിടം കണ്ടെത്താനാവാത്തത് ആരോഗ്യവകുപ്പിനെ കുഴക്കുകയാണ്. പൊതുപ്രവർത്തകനായ ഇദ്ദേഹത്തി​ൻെറ സമ്പർക്കപ്പട്ടിക വിപുലമാണ്. രാഷ്​ട്രീയ സാമൂഹിക രംഗത്തെ നിരവധി പേരുമായി ഇദ്ദേഹം അടുത്ത സമ്പർക്കം പുലർത്തിയിട്ടുണ്ട്. ആർ.ആർ.ടി അംഗമെന്ന നിലയിൽ സദാ പ്രവർത്തന മേഖലയിൽ സജീവമായിരുന്നു. ഒരുവിധ രോഗലക്ഷണവും പ്രകടമല്ലാത്ത ഇദ്ദേഹമടക്കമുള്ളവരെ സാമൂഹിക വ്യാപന സാധ്യത തിരിച്ചറിയാൻ നടത്തിയ പരിശോധനയിലാണ് ഫലം പോസിറ്റിവായത്.