കോവിഡ്: മടവൂർ പഞ്ചായത്ത് ഓഫിസിൽ പുതിയ ക്രമീകരണങ്ങൾ

നരിക്കുനി: മടവൂർ പഞ്ചായത്ത് ഓഫിസിൽ അപേക്ഷകൾ സ്വീകരിക്കുന്നതിനും പണമിടപാട് നടത്തുന്നതിനും ക്രമീകരണങ്ങൾ ഏർപ്പെടുത്തി.ഇതനുസരിച്ച് എല്ലാ പണമിടപാടുകളും എസ്​.ബി.ഐ നരിക്കുനി ബ്രാഞ്ച് മുഖേനയായിരിക്കും. കെട്ടിട നിർമാണ അപേക്ഷകൾ ചൊവ്വാഴ്ചയും വിവാഹ രജിസ്​േട്രഷൻ വ്യാഴാഴ്ചയും മാത്രമായിരിക്കും. എല്ലാ സർട്ടിഫിക്കറ്റുകളും അപേക്ഷകളും ഓൺലൈൻ വഴിയോ അക്ഷയ കേന്ദ്രങ്ങൾ വഴിയോ മാത്രമായിരിക്കും. ഓൺലൈൻ സൗകര്യം ഏർപ്പെടുത്തി മടവൂർ: പഞ്ചായത്ത് നാലാം വാർഡ് മുസ്​ലിം ലീഗ് കമ്മിറ്റി, ഓൺലൈൻ പഠനസൗകര്യം ഇല്ലാത്ത വിദ്യാർഥികൾക്ക് ടി.വിയും അനുബന്ധ സൗകര്യങ്ങളും ഏർപ്പെടുത്തി. ഉദ്ഘാടനം ജില്ല സെക്രട്ടറി എം.എ.റസാഖ്്്് നിർവഹിച്ചു. പി. ഹനീഫ അധ്യക്ഷത വഹിച്ചു. എൻ.സി.അബൂബക്കർ,കെ.കെ.മുഹമ്മദ്,വി.കെ. സുബൈർ എന്നിവർ സംസാരിച്ചു. പി.മുഹമ്മദലി സ്വാഗതവും സി. അബ്്ദുറഹിമാൻ നന്ദിയും പറഞ്ഞു.