നഷ്​ടപരിഹാരവും പുനരധിവാസവും ഉറപ്പുവരുത്തണം

കൊടുവള്ളി: സിറാജ്​ ​ൈഫ്ല ഓവർ പദ്ധതി നടപ്പാക്കുന്നത് സുതാര്യമായും സ്ഥലം, കെട്ടിട ഉടമകളുടെയും കച്ചവടക്കാരുടെയും ആശങ്കകൾ പരിഹരിച്ചുകൊണ്ടുമാവണമെന്ന്​ വെൽഫെയർ പാർട്ടി മുനിസിപ്പൽ കമ്മിറ്റി ആവശ്യപ്പെട്ടു. അവർക്ക് മതിയായ നഷ്​ട പരിഹാരവും പുനരധിവാസവും ഉറപ്പുവരുത്തണമെന്നും ആശങ്കകൾ പരിഹരിക്കാൻ ബന്ധപ്പെട്ടവർ തയാറാകണമെന്നും കമ്മിറ്റി ആവശ്യപ്പെട്ടു. മുനിസിപ്പൽ പ്രസിഡൻറ് എം.പി. അബ്​ദുറഹിമാൻ അധ്യക്ഷതവഹിച്ചു. യു.കെ. ഖാദർ, എൻ.പി. ഇഖ്ബാൽ, പി.പി. സൈനുൽ ആബിദ്, വി.പി. നജീബ്, ഷംസുദ്ദീൻ പ്രവിൽ, ഇ. അബ്​ദുൽ റസാഖ്, ഫിറോസ് ഖാൻ എന്നിവർ സംസാരിച്ചു.