Begin typing your search above and press return to search.
exit_to_app
exit_to_app
Posted On
date_range 14 July 2020 11:58 PM GMT Updated On
date_range 14 July 2020 11:58 PM GMTലക്ഷം രൂപയില് താഴെയുള്ള സ്റ്റാമ്പുകള് ഇ-സ്റ്റാമ്പിങ്ങിലൂടെ നല്കും -മുഖ്യമന്ത്രി
text_fieldsbookmark_border
സ്വന്തം ലേഖകൻ കൽപറ്റ: ഒരു ലക്ഷം രൂപയില് താഴെ സ്റ്റാമ്പുകള് ഇ-സ്റ്റാമ്പിങ്ങിലൂടെ നല്കാന് സര്ക്കാര് ആലോചിക്കുകയാണെന്ന് മുഖ്യമന്ത്രി പിണറായി വിജയന്. നാലു ജില്ലകളില് സബ് രജിസ്ട്രാര് ഓഫിസുകള്ക്ക് നിര്മിച്ച കെട്ടിടങ്ങളുടെ പ്രവര്ത്തനോദ്ഘാടനവും വയനാട് ഉള്പ്പെടെ രണ്ടു ജില്ലകളിലെ പുതിയ കെട്ടിടങ്ങളുടെ നിര്മാണോദ്ഘാടനവും വിഡിയോ കോണ്ഫറന്സ് വഴി നിര്വഹിക്കുകയായിരുന്നു അദ്ദേഹം. പൊതുജനങ്ങള്ക്ക് തടസ്സമില്ലാതെ ഓണ്ലൈന് സേവനങ്ങള് ലഭ്യമാക്കുന്നതിന് എല്ലാ സബ് രജിസ്ട്രാര് ഓഫിസുകളിലും ബി.എസ്.എന്.എൽ ഒപ്റ്റിക് ഫൈബര് കണക്ഷനുകള് നല്കും. ഇടുക്കി ജില്ലയില് രണ്ടിടത്തും ആലപ്പുഴ, കോഴിക്കോട് ജില്ലകളില് ഓരോ ഓഫിസിനുമുള്ള കെട്ടിടങ്ങളാണ് നിര്മാണം പൂര്ത്തിയാക്കിയത്. വയനാട്ടിലെ മാനന്തവാടി, തൃശൂരിലെ തൃപ്രയാര് എന്നിവിടങ്ങളിലാണ് പുതിയ കെട്ടിടങ്ങളുടെ നിര്മാണം. സംസ്ഥാനത്ത് 315 സബ് രജിസ്ട്രാര് ഓഫിസുകളില് 107 എണ്ണം വാടക കെട്ടിടത്തിലാണ് പ്രവര്ത്തിക്കുന്നത്. 100 വര്ഷത്തിലേറെ പഴക്കമുള്ള 53 കെട്ടിടങ്ങളാണ് നിലവിലുള്ളത്. 100 വര്ഷത്തിലേറെ പഴക്കമുള്ള കെട്ടിടങ്ങള് പുതുക്കി പണിയുന്നതിനും വാടക കെട്ടിടത്തില് പ്രവര്ത്തിക്കുന്നവക്ക് സ്വന്തം കെട്ടിടം നിര്മിക്കുന്നതിനും ആദ്യ ബജറ്റില്തന്നെ, കിഫ്ബി പദ്ധതിയില് ഉള്പ്പെടുത്തി 100 കോടി രൂപ അനുവദിച്ചിരുന്നു. അതിൻെറ ഭാഗമായി 48 സബ് രജിസ്ട്രാര് ഓഫിസുകള്ക്കും മൂന്ന് രജിസ്ട്രേഷന് കോംപ്ലക്സുകള്ക്കുമാണ് പുതിയ കെട്ടിടങ്ങള് നിര്മിക്കുന്നത്. അതില് ഉള്പ്പെട്ട നാലു കെട്ടിടങ്ങളുടെ നിര്മാണമാണ് പൂര്ത്തിയാക്കിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story