ബാങ്കിനുമുന്നിൽ മുസ്​ലിം ലീഗ് സമരം

മാവൂർ: സർവിസ് സഹകരണ ബാങ്ക് ഭൂമിയിടപാടിലെ അഴിമതി വിജിലൻസ് അന്വേഷിക്കണമെന്നും രജിസ്ട്രേഷൻ റദ്ദ് ചെയ്ത് പണം തിരിച്ചുപിടിക്കണമെന്നും ആവശ്യപ്പെട്ട് മുസ്​ലിം ലീഗ് മാവൂർ പഞ്ചായത്ത് കമ്മിറ്റി ബാങ്കിന് മുന്നിൽ പ്രതിഷേധ സമരം നടത്തി. ജില്ല വൈസ് പ്രസിഡൻറ് കെ.എ. ഖാദർ മാസ്​റ്റർ ഉദ്ഘാടനം ചെയ്തു. മുസ്​ലിം ലീഗ് പഞ്ചായത്ത് പ്രസിഡൻറ് ചിറ്റടി അഹമ്മദ് കുട്ടി ഹാജി അധ്യക്ഷത വഹിച്ചു. നിയോജക മണ്ഡലം വൈസ് പ്രസിഡൻറ് മങ്ങാട്ട് അബ്​ദുറസാഖ്, നിയോജക മണ്ഡലം സെക്രട്ടറി എൻ.പി. അഹമ്മദ്, പഞ്ചായത്ത് ഭാരവാഹികളായ ടി.ടി. ഖാദർ, കെ.ആലി ഹസ്സൻ, എം.പി. അബ്​ദുൽ കരീം, യു.ഡി.എഫ് പഞ്ചായത്ത് ചെയർമാൻ എം. ഇസ്മാഈൽ മാസ്​റ്റർ, പഞ്ചായത്ത് ക്ഷേമകാര്യ സ്​റ്റാൻഡിങ് കമ്മിറ്റി ചെയർമാൻ കെ. ഉസ്മാൻ, ഹബീബ് ചെറൂപ്പ, കെ. ഹസ്സൻ കുരിക്കൾ, ഷാക്കിർ പാറയിൽ, സി.ടി. ഷെരീഫ്, സുരേഷ് മാവൂർ, എ.കെ. മുഹമ്മദലി, കെ.എം. മുർത്താസ്, ടി.കെ. അബ്​ദുല്ലക്കോയ, പി. ഉമ്മർ കുട്ടി മാസ്​റ്റർ, ടി.എ. ലത്തീഫ്, സി.കെ. അൻവർ, ഹംസ പാലക്കോളിൽ എന്നിവർ സംസാരിച്ചു. ജന. സെക്രട്ടറി വി.കെ. റസാഖ് സ്വാഗതവും സെക്രട്ടറി ടി. ഉമ്മർ മാസ്​റ്റർ നന്ദിയും പറഞ്ഞു.