സിജിലേഷി​െൻറ മരണം കൂളിപ്പൊയിലി​െൻറ നൊമ്പരമായി

സിജിലേഷി​ൻെറ മരണം കൂളിപ്പൊയിലി​ൻെറ നൊമ്പരമായി നന്മണ്ട: കൂളിപ്പൊയിലിലെ ചെറുവലത്ത് സിജിലേഷി​ൻെറ മരണം നാടി​ൻെറ നൊമ്പരമായി. കോവിഡ് ഭേദമായി ത​ൻെറ പ്രിയതമൻ തിരിച്ചുവരുമെന്ന ഭാര്യ പ്രിയക്കും ഇത് താങ്ങാനാവാത്ത വിധി വൈപരീത്യമായി മാറി. കഴിഞ്ഞ വിഷുവിന് കുടുംബാംഗങ്ങളോടൊപ്പം വിഭവസമൃദ്ധമായ സദ്യയുണ്ട് ബംഗളൂരുവിലേക്ക് മടങ്ങിയപ്പോൾ സഹധർമിണി പ്രിയ കരുതിയിരുന്നില്ല ത​ൻെറ സിജിലേ​േഷട്ട​ൻെറ അവസാന കൂടിക്കാഴ്ചയായിരിക്കുമതെന്ന്. സഹോദര​ൻെറ കോവിഡ് റിസൽട്ട് നെഗറ്റിവായപ്പോൾ പ്രതീക്ഷാനിർഭരമായ കാത്തിരിപ്പിലായിരുന്നു പ്രിയ. വൈകുന്നേരം ടി.വിയിലൂടെ വിവരം അറിയുമ്പോൾ സാന്ത്വനപ്പെടുത്താൻ ചുരുക്കം കുടുംബാംഗങ്ങളേയുണ്ടായിരുന്നുള്ളൂ. നാട്ടിലും ഏറെ സുപരിചിതനായിരുന്നു സിജിലേഷ്. നാട്ടുകാർക്കും പ്രിയങ്കരൻ. ബംഗളൂരുവിൽനിന്ന്​ വരുമ്പോൾ കുറച്ചുനാൾ ത​ൻെറ സുഹൃത്തുക്കളോടൊപ്പം ചെലവിടുമ്പോഴും ഇങ്ങനെയൊരു മഹാമാരി ത​ൻെറ പ്രാണൻ എടുക്കുമെന്ന് സിജിലേഷ്​ കരുതിയിരുന്നില്ലെന്ന് അവ​ൻെറ സുഹൃത്തുക്കൾ ഒന്നടങ്കം സാക്ഷ്യപ്പെടുത്തുന്നു. അവശതയിൽ കഴിയുന്ന മാതാപിതാക്കളെ സാന്ത്വനിപ്പിക്കാൻപോലും പ്രയാസ​െപ്പടുന്നവരുടെ കണ്ണുകൾ നിറയുന്നു. ഹോം ക്വാറൻറീനിൽ കഴിയുന്ന സഹോദരന് ത​ൻെറ ഇളയ സഹോദര​ൻെറ അകാല മരണം വിശ്വസിക്കാനേ കഴിയുന്നില്ല. രോഗാതുരനായ ത​ൻെറ ജീവൻ രക്ഷിക്കാൻ പെടാപ്പാട് പെട്ടിട്ടും അവ​ൻെറ പ്രാണൻപോയതിലുള്ള വേദനയിലാണ്.