ചാലിയം മഹല്ല് കമ്മിറ്റിക്ക് പുതിയ ഓഫിസ്

ചാലിയം: ചാലിയം മുസ്​ലിം ജംഇയ്യത്ത് സംഘം മഹല്ല് കമ്മിറ്റി ഓഫിസ്​ മഹല്ല് പ്രസിഡൻറ് എ.പി. അബ്​ദുൽ കരീം ഹാജി ഉദ്ഘാടനം ചെയ്​തു. ഖതീബ് അബ്​ദുല്ല സഖാഫി വെണ്ണക്കോട് പ്രാർഥന നടത്തി. വൈസ് പ്രസിഡൻറ് പി.ബി. അബ്​ദുൽ കരീം, ഹയാത്തുൽ ഇസ്​ലാം മദ്റസ പ്രധാനാധ്യാപകൻ ഉമറലി സഖാഫി പനങ്ങാങ്ങര, എ. അബ്​ദുറഹ്മാൻ ഹാജി, പി.പി. ഇമ്പിച്ചിക്കോയ ഹാജി, ഡോ. ടി.എ. അബ്​ദുൽ അസീസ് എന്നിവർ സംസാരിച്ചു. സെക്രട്ടറി ഇ.എം. അബ്​ദുൽ അസീസ് ഹാജി സ്വാഗതവും ജോ.സെക്രട്ടറി ഇ.പി. അബ്​ദുസമദ് നന്ദിയും പറഞ്ഞു.