പ്രതീകാത്മക സ്വർണ ബിസ്‌കറ്റുകൾ അയച്ചു

മേപ്പയ്യൂർ: മുഖ്യമന്ത്രിയുടെ ഓഫിസ് കേന്ദ്രീകരിച്ച്​ നടക്കുന്ന സ്വർണക്കടത്തിൽ അന്വേഷണം ആവശ്യപ്പെട്ട് മുസ്‌ലിം യൂത്ത് ലീഗ് തുറയൂർ പഞ്ചായത്ത്‌ കമ്മിറ്റി പ്രതിഷേധ പരിപാടി സംഘടിപ്പിച്ചു. പയ്യോളി അങ്ങാടി പോസ്​റ്റ്​ ഓഫിസ് പരിസരത്ത് പ്രവർത്തകർ മുഖ്യമന്ത്രിയുടെ ഓഫിസിലേക്ക് പ്രതീകാത്​മക സ്വർണ ബിസ്‌കറ്റുകൾ അയച്ചു. തുറയൂർ പഞ്ചായത്ത് മുസ്​ലിം ലീഗ് പ്രസിഡൻറ്​ യു.സി. ഷംസുദ്ദീൻ പ്രതിഷേധ പരിപാടി ഉദ്ഘാടനം ചെയ്തു. കെ.എം. സലാം, പി.ടി. അദീബ്, അഷ്‌കർ പുത്തൂർ, മുഹമ്മദ്‌ ഷാ, മുസ്തഫ, ശാമിൽ എന്നിവർ നേതൃത്വം നൽകി.