പശുക്കുട്ടിയുടെ അഴുകിയ ജഡം തോട്ടിൽ

കൂരാച്ചുണ്ട്: ചന്തത്തോട്ടിൽ പശുക്കുട്ടിയുടെ അഴുകിയ ജഡം കണ്ടെത്തി. കൂരാച്ചുണ്ട് മത്സ്യ മാർക്കറ്റിന് സമീപം മരക്കൊമ്പിൽ തങ്ങിക്കിടന്ന നിലയിലാണ് കണ്ടത്. അറവുശാലയിൽ നിന്നോ മറ്റോ ആവാം പശുക്കുട്ടിയുടെ ജഡം ഒഴുക്കിയതെന്ന് നാട്ടുകാർ സംശയിക്കുന്നു. സ്വർണ ബിസ്‌കറ്റുകൾ അയച്ച് പ്രതിഷേധം പാലേരി: മുഖ്യമന്ത്രിയുടെ ഓഫിസ് കേന്ദ്രീകരിച്ചുനടന്ന സ്വർണക്കടത്തിൽ അന്വേഷണം ആവശ്യപ്പെട്ട് മുസ്‌ലിം യൂത്ത്​ലീഗ് ചങ്ങരോത്ത് പഞ്ചായത്ത്‌ കമ്മിറ്റി പ്രതിഷേധ പരിപാടി സംഘടിപ്പിച്ചു. കടിയങ്ങാട് പോസ്​റ്റ്​ ഒാഫിസ് പരിസരത്ത് പ്രവർത്തകർ മുഖ്യമന്ത്രിയുടെ ഓഫിസിലേക്ക് പ്രതീകാത്മക സ്വർണ ബിസ്‌കറ്റുകൾ അയച്ചു. മണ്ഡലം യൂത്ത് ലീഗ് പ്രസിഡൻറ്​ അലി തങ്ങൾ, ചങ്ങരോത്ത് ഗ്രാമപഞ്ചായത്ത്‌ വൈസ് പ്രസിഡൻറ്​ മൂസ കോത്തമ്പ്ര, പഞ്ചായത്ത്‌ യൂത്ത്​ലീഗ് പ്രസിഡൻറ്​ ശിഹാബ് കന്നാട്ടി, ജനറൽ സെക്രട്ടറി എ.പി. ജാസിർ, ഭാരവാഹികളായ സിദ്ദീഖ് തൊണ്ടിയിൽ, കെ.പി. സമീർ, എസ്.കെ. സഫീർ, റാഫി പന്തിരിക്കര, സി.കെ. മുസ്തറഫ്, വി.പി. നിസാർ, കെ. നാജിദ്‌, റിയാസ് പന്തിരി, കെ.കെ. റംഷീദ്, യു.പി. ദിൽഷാദ് എന്നിവർ നേതൃത്വം നൽകി.