ജെ.എൻ.യുവിൽ എ.ബി.വി.പിയും സുരക്ഷാജീവനക്കാരും തമ്മിൽ സംഘർഷം

ന്യൂഡൽഹി: ഡൽഹി ജവഹർലാൽ നെഹ്​റു സർവകലാശാലയിൽ തിങ്കളാഴ്ച എ.ബി.വി.പി പ്രവർത്തകരും സുരക്ഷാജീവനക്കാരും തമ്മിൽ സംഘർഷം. വിദ്യാർഥികൾക്ക്​ സ്​കോളർഷിപ്​ തുക ലഭിക്കാത്തതുമായി ബന്ധപ്പെട്ട്​ എ.ബി.വി.പി പ്രവർത്തകരുടെ പ്രതിഷേധമാണ്​ കാമ്പസിന്‍റെ സുരക്ഷാചുമതലയുള്ള ജീവനക്കാരുമായുള്ള സംഘർഷത്തിൽ കലാശിച്ചത്​. സമാധാനപരമായി പ്രതിഷേധിച്ച വിദ്യാർഥികൾക്കുനേ​രെ സുരക്ഷാജീവനക്കാർ ആക്രമണം നടത്തിയെന്നും നിരവധിപേർക്ക്​ പരിക്കേറ്റെന്നും എ.ബി.വി.പി ജെ.എൻ.യു യൂനിറ്റ്​ പ്രസിഡന്‍റ്​ രോഹിത്​കുമാർ പറഞ്ഞു. പൊലീസിൽ പരാതി നൽകുമെന്നും രോഹിത്​കുമാർ വ്യക്​തമാക്കി.