പാസഞ്ചർ ട്രെയിനിന്‍റെ ശുചിമുറിയിൽ തൂങ്ങിമരിച്ചനിലയിൽ

മരിച്ചത്​ സേലം പാടിയപ്പൊടി സ്വദേശി രാജ പറളി: കോയമ്പത്തൂരിൽ നിന്നും ഷൊർണൂരിലേക്ക് പോവുകയായിരുന്ന മെമു ട്രെയിനിലെ ശുചിമുറിയിൽ തമിഴ്നാട് സ്വദേശിയായ 60കാരനെ തൂങ്ങിമരിച്ച നിലയിൽ കണ്ടെത്തി. സേലം പാടിയപ്പൊടി രാജയാണ് മരിച്ചതെന്ന് അന്വേഷണത്തിൽ തിരിച്ചറിഞ്ഞു. തിങ്കളാഴ്ച ഉച്ചക്ക് 1.40ന് പറളി സ്റ്റേഷനിൽ നിർത്തിയപ്പോഴാണ് യാത്രക്കാർ ശുചിമുറിയിൽ ഒരാൾ തൂങ്ങിനിൽക്കുന്നത്​ കണ്ടത്. സംഭവ സ്ഥലത്തെത്തിയ ട്രെയിൻ മാനേജർ വണ്ടി സ്റ്റേഷനിൽ പിടിച്ചിട്ട്​ പൊലീസിനെ വിവരമറിയിച്ചു. ​ആർ.പി.എഫും മങ്കര പൊലീസും ​ചേർന്ന്​ മൃതദേഹം പുറത്തേക്ക്​ മാറ്റി. ഇൻക്വസ്റ്റിനുശേഷം പോസ്റ്റ്​മോർട്ടത്തിനായി ജില്ല ആശുപത്രി മോർച്ചറിയിലേക്ക് ​കൊണ്ടുപോയി. ക്രിട്ടിക്കൽ കെയർ 24x7 എമർജൻസി ടീം അംഗങ്ങൾ ഗ്രൂപ്പിൽ വിവരം കൈമാറിയതിനെ തുടർന്നും പൊലീസിന്‍റെ വിശദമായ അന്വേഷണത്തിലും മിനിറ്റുകൾക്കകം തൂങ്ങിമരിച്ചയാളെ തിരിച്ചറിഞ്ഞു. മൃതദേഹത്തിൽ തമിഴിൽ മലർ എന്നും ഗണേശൻ എന്നും പച്ചകുത്തിയതാണ് അന്വേഷണത്തിന് സഹായകമായത്​. കഷ്ടിച്ച്​ ഒരാൾക്ക്​ നിൽക്കാവുന്ന ട്രെയിനിലെ ശുചിമുറിയിൽ തൂങ്ങിമരിച്ചതെങ്ങനെ എന്ന് പൊലീസ്​ അന്വേഷിക്കുന്നുണ്ട്​. pkg train death body ട്രെയിനിൽ തൂങ്ങിമരിച്ച നിലയിൽ കണ്ടെത്തിയ തമിഴ്​നാട്ടുകാരന്‍റെ മൃതദേഹം ആശുപത്രിയിലേക്ക്​ മാറ്റുന്നു