ബാലുശ്ശേരി-കോഴിക്കോട് റോഡ് വികസനം: അവലോകന യോഗം ചേർന്നു

കക്കോടി: ബാലുശ്ശേരി-കോഴിക്കോട് റോഡ് വികസനവുമായി ബന്ധപ്പെട്ട നടപടികൾ വേ​ഗത്തിലാക്കാൻ വനം മന്ത്രി എ.കെ. ശശീന്ദ്രൻ ഉദ്യോ​ഗസ്ഥർക്ക് നിർദേശം നൽകി. റോഡ് വികസനവുമായി ബന്ധപ്പെട്ട് മന്ത്രിയുടെ അധ്യക്ഷതയിൽ ചേർന്ന അവലോകന യോ​ഗത്തിലാണ് നിർദേശം. കച്ചേരി, വേങ്ങേരി, കക്കോടി, ചേളന്നൂർ, കാക്കൂർ, നന്മണ്ട, ശിവപുരം, പനങ്ങാട് സ്ട്രെച്ചുകളിലെ സൈറ്റ് ഇൻസ്പെക്ഷനും വാല്വേഷൻ നടപടികളും വേ​ഗത്തിൽ പൂർത്തിയാക്കാൻ ഉദ്യോ​ഗസ്ഥരോട് മന്ത്രി ആവശ്യപ്പെട്ടു. ആ​ഗസ്റ്റ് 27നകം പ്രവർത്തന പുരോ​ഗതി സംബന്ധിച്ച റിപ്പോർട്ട് ജില്ല കലക്ടർക്ക് സമർപ്പിക്കാനും നിർ​ദേശമുണ്ട്. കലക്ടറുടെ ചേംബറിൽ ചേർന്ന യോഗത്തിൽ എ.ഡി.എം സി. മു​ഹമ്മദ് റഫീഖ്, ഡെപ്യൂട്ടി കലക്ടർ പി.പി. ശാലിനി, വിവിധ വകുപ്പ് ഉദ്യോഗസ്ഥർ തുടങ്ങിയവർ പങ്കെടുത്തു.