ബഫർസോൺ: ഉന്നത സമിതിവേണം -ജോസ്‌ കെ. മാണി

കോഴിക്കോട്‌: ബഫർസോൺ വിഷയത്തിൽ കർഷകരുടെ ആശങ്ക പരിഹരിക്കാൻ ഉന്നതസമിതി വേണമെന്ന്‌ കേരള കോൺഗ്രസ്‌ -എം ചെയർമാൻ ജോസ്‌ കെ. മാണി എം.പി. കേരള കോൺഗ്രസ്‌ -എം ജില്ല സമ്മേളനം ഉദ്‌ഘാടനം ചെയ്യുകയായിരുന്നു അദ്ദേഹം. വനവുമായി ചേർന്ന്‌ ജീവിക്കുന്നവരുടെ പ്രശ്നങ്ങൾ ഗൗരവമായി കാണാൻ സ്ഥിരം സംവിധാനം വേണം. കസ്തൂരിരംഗൻ റിപ്പോർട്ടിന്‍റെ കാലത്ത്‌ ഉമ്മർ വി. ഉമ്മർ കമ്മിറ്റിയെ നിയോഗിച്ച പോലെ ഉന്നത സമിതി രൂപവത്​കരിക്കണം. പ്രാദേശിക ഭരണസമിതി, കർഷക സമിതി, വനംവകുപ്പ്‌ അധികൃതർ, കുടുംബശ്രീ പ്രവർത്തകർ എന്നിവരെ ഉൾപ്പെടുത്തിയാവണം സമിതിയുണ്ടാക്കേണ്ടത്‌. ഈ സമിതിയുടെ നിർദേശങ്ങൾ സുപ്രീംകോടതിയുടെ പരിഗണനക്ക് നൽകണമെന്നും ജോസ്‌ കെ. മാണി പറഞ്ഞു. ജില്ല പ്രസിഡന്‍റ്​ ടി.എം. ജോസഫ്‌ അധ്യക്ഷത വഹിച്ചു. സ്റ്റീഫൻ ജോർജ്‌, ജോയ്‌സ്‌ പുത്തൻപുര, കെ.കെ. നാരായണൻ, ബേബി കാപ്പുകാട്ടിൽ എന്നിവർ സംസാരിച്ചു.