തെരുവ് വിളക്കുകളില്ല; ഉവ്വാക്കുളവും പരിസരവും ഇരുട്ടിൽ

നന്മണ്ട: തെരുവ് വിളക്കുകൾ കത്താത്തതുകാരണം ഉവ്വാക്കുളവും പരിസരവും സാമൂഹിക വിരുദ്ധരുടെ പിടിയിലെന്ന് നാട്ടുകാർ. എഴുകുളം റോഡിലെ ഉവ്വാക്കുളവും പരിസരവുമാണ് ഇരുട്ടിലായത്​. പരിസര പ്രദേശങ്ങളിലെ വീടുകൾക്ക് മുന്നിൽ ഭക്ഷണാവശിഷ്ടങ്ങൾ ഉപേക്ഷിക്കുന്നതിനു പുറമെ പ്ലാസ്റ്റിക്ക് കുപ്പികളും തള്ളുന്നു. സന്ധ്യയായാൽ അപരിചിതരുടെ വരവാണ് നാട്ടുകാരെ ആശങ്കയിലാഴ്‌ത്തുന്നത്. പൊലീസിന്റെയും എക്സൈസിന്റെയും നൈറ്റ് പട്രോളിങ് ശക്തമാക്കണമെന്ന് യുവജന സംഘടനകൾ ആവശ്യപ്പെട്ടു.