സാമൂഹിക് ജാഗരൺ പ്രചാരണ ജാഥ

കുന്ദമംഗലം: ഇന്ത്യൻ സ്വാതന്ത്ര്യസമര പോരാട്ടങ്ങളിൽ വർഗീയവാദികൾക്ക് പങ്കില്ല, ചരിത്രം തിരുത്തി എഴുതരുത് എന്ന മുദ്രാവാക്യവുമായി കർഷക തൊഴിലാളി യൂനിയൻ, കർഷക സംഘം, സി.ഐ.ടി.യു എന്നിവയുടെ ആഭിമുഖ്യത്തിൽ സാമൂഹിക് ജാഗരൺ പ്രചാരണ ജാഥ നടത്തി. കാരന്തൂരിൽ കർഷക സംഘം ഏരിയ സെക്രട്ടറി കൃഷ്ണൻകുട്ടി ഉദ്ഘാടനം ചെയ്തു. ജാഥാ ക്യാപ്റ്റൻ ടി. ശിവാനന്ദൻ, വി. അനിൽകുമാർ, എം.എം. സുധീഷ് കുമാർ, കെ.എം. ഗിരീഷ്, അഡ്വ. നാരായണൻ, ടി.പി. നിധീഷ്, സി. പ്രമോദ്, പി. ശിവദാസൻ നായർ, ഷിജു പടനിലം എന്നിവർ വിവിധ സ്വീകരണ കേന്ദ്രങ്ങളിൽ സംസാരിച്ചു. പന്തീർപാടം, മുറിയനാൽ, ചൂലാംവയൽ, പതിമംഗലം ഭാഗങ്ങളിലെ സ്വീകരണങ്ങൾക്ക് ശേഷം ജാഥ പടനിലത്ത് സമാപിച്ചു.