അധ്യാപകർക്ക് പരിശീലന ക്യാമ്പ്

കോഴിക്കോട്: സ്കൂളുകളിൽനിന്ന് വിദ്യാർഥികൾക്ക് അനുഭവപ്പെടുന്ന ശാരീരിക അസ്വസ്ഥതകൾക്കും മുറിവുകൾക്കും മറ്റും നൽകേണ്ട പ്രാഥമിക ചികിത്സയെക്കുറിച്ച്​ അധ്യാപകർക്ക് പരിശീലനം നൽകി. നഗരത്തിലെ 19 വിദ്യാലയങ്ങളിൽനിന്ന്​ 34 അധ്യാപകർ പരിശീലന പരിപാടിയിൽ പങ്കെടുത്തു. ആസ്റ്റർ മിംസിന്‍റെ നേതൃത്വത്തിൽ 'മാനേജ്മെന്റ് ഓഫ് മെഡിക്കൽ എമർജൻസീസ് ഇൻ സ്കൂൾ' എന്ന പേരിലാണ് ക്യാമ്പ് സംഘടിപ്പിച്ചത്. ആസ്റ്റർ മിംസ് പീഡിയാട്രിക് വിഭാഗം സീനിയർ കൺസൾട്ടന്റ് ഡോ. എ.പി. വിജയൻ നേതൃത്വം നൽകി.