കുന്ദമംഗലത്ത് ആനപ്പാറ-വിരുപ്പിൽ റോഡിൽ പൈപ്പ് പൊട്ടി കുടിവെള്ളം പാഴാകുന്നു

കുന്ദമംഗലം: കുന്ദമംഗലം പഞ്ചായത്തിലെ പതിമൂന്നാം വാർഡിൽ ആനപ്പാറ-വിരുപ്പിൽ റോഡിൽ വാട്ടർ അതോറിറ്റിയുടെ പൈപ്പ് പൊട്ടി കുടിവെള്ളം പാഴാകുന്നു. ഇതുമൂലം റോഡിനും ഭീഷണിയായിട്ടുണ്ട്. റോഡിലെ ടാറിങ് ഈ അടുത്ത് കഴിഞ്ഞിട്ടേയുള്ളൂ. പൈപ്പ് അറ്റകുറ്റപ്പണി നടത്തി കുടിവെള്ളം പാഴാകുന്നത് അവസാനിപ്പിക്കണമെന്നാണ് നാട്ടുകാർ പറയുന്നത്. പൈപ്പ്‌ പൊട്ടിയിട്ട് ഒരാഴ്ചയിലേറെയായിട്ടും നടപടിയെടുക്കാത്തതിൽ നാട്ടുകാർ പ്രതിഷേധത്തിലാണ്.