പൂർവവിദ്യാർഥി സംഗമം

താമരശ്ശേരി: പൂനൂർ ഗവ. ഹൈസ്കൂളിലെ 1980 എസ്.എസ്.എൽ.സി ബാച്ചിലെ പഠിതാക്കൾ പതിറ്റാണ്ടുകൾക്കുശേഷം ഒത്തുകൂടി. വീണ്ടും കാണാം എന്നപേരിൽ നടന്ന പരിപാടി കട്ടിപ്പാറ ഗ്രാമപഞ്ചായത്ത് പ്രസിഡന്റ് മുഹമ്മദ് മോയത്ത് ഉദ്ഘാടനം ചെയ്തു. എം.എ. നാസർ അധ്യക്ഷനായി. ടി.പി. കാദർ, ടി. അബൂബക്കർ, ബേബി ഷീല, എം.എം. ബഷീർ, ടി.എം. മജീദ് എന്നിവർ സംസാരിച്ചു. പത്തോളം സഹപാഠികളുടെ വിയോഗത്തിൽ യോഗം അനുശോചിച്ചു. മജീദ് മൂത്തേടത്ത് ക്ലാസെടുത്തു. പി.കെ. സുലൈമാൻ സ്വാഗതവും ടി.പി. കാദർ നന്ദിയും പറഞ്ഞു.