ശബ്ദാനുകരണത്തിലെ ഒറ്റയാൻ

തലശ്ശേരി: ശബ്ദാനുകരണ കലയിലും ഏകാഭിനയത്തിലും ശ്രദ്ധേയനായ കലാകാരനായിരുന്നു തിങ്കളാഴ്ച അന്തരിച്ച പെരുന്താറ്റിൽ ഗോപാലൻ. ജീവിതാനുഭവമാണ് അദ്ദേഹത്തെ മികച്ച കലാകാരനാക്കി മാറ്റിയത്. സാംസ്കാരിക പ്രവർത്തനത്തിലും ആധ്യാത്മിക പ്രഭാഷണത്തിലും പ്രാഗല്ഭ്യം തെളിയിച്ചിട്ടുണ്ട്. മികച്ച കലാകാരനെന്ന നിലയിൽ നിരവധി പുരസ്കാരങ്ങൾക്ക് അർഹനായി. ആകാശവാണിയിൽ എ ക്ലാസ് ആർട്ടിസ്റ്റ് കൂടിയായ പെരുന്താറ്റിൽ ശബ്ദാനുകരണ കലയിലും ഏകാഭിനയത്തിലും ആയിരക്കണക്കിന് വേദികൾ പങ്കിട്ടിരുന്നു. ചലച്ചിത്രമേഖലയിൽ ഉൾപ്പെടെ നിരവധി ശിഷ്യഗണങ്ങളുണ്ട്. തലശ്ശേരി ആർ.ഡി.ഒ ഓഫിസിൽ വർഷങ്ങളോളം സേവനമനുഷ്ഠിച്ചിരുന്നു.