മുത്തങ്ങയിൽ കുഴൽപണം പിടികൂടി

സുൽത്താൻബത്തേരി: മുത്തങ്ങ എക്സൈസ് ചെക്ക് പോസ്റ്റിൽ, കാറിൽ കടത്തുകയായിരുന്ന 10 ലക്ഷം രൂപയുടെ കുഴൽപണം വാഹനപരിശോധനക്കിടെ പിടികൂടി. സംഭവവുമായി ബന്ധപ്പെട്ട് കർണാടക നഞ്ചൻകോട്ടെ എൻ. ചേതൻ (40) എന്നയാളെയും പണം കടത്താനുപയോഗിച്ച കെ.എ 09 എം.ഇ 6661 നമ്പർ കാറും കസ്റ്റഡിയിലെടുത്തു. എക്സൈസ് സർക്കിൾ ഇൻസ്പെക്ടർ ടി. ഷറഫുദ്ദീന്റെ നേതൃത്വത്തിലായിരുന്നു പരിശോധന. എക്സൈസ് ഇൻസ്പെക്ടർ ടി.എച്ച്. ഷഫീഖ്, പ്രിവന്റീവ് ഓഫിസർമാരായ എം.സി. ഷിജു, വി. അബ്ദുൽ സലീം, സിവിൽ എക്സൈസ് ഓഫിസർമാരായ എം.ടി. അമൽ തോമസ്, എം.പി. ഷഫീഖ്, വനിത സിവിൽ ഓഫിസർമാരായ പി.എൻ. ശ്രീജ മോൾ, എൻ.എസ്. ശ്രീജിന എന്നിവരും പരിശോധനസംഘത്തിൽ ഉണ്ടായിരുന്നു. MONWDG2 എൻ. ചേതൻ